Burela, 6 de agosto, 2021. Iván Cao Valle, Lucas, volverá poñerse á fronte das Guerreiras Laranxas. O técnico mariñán, de 39 anos, asumirá as rendas do Pescados Rubén Burela FS para 2021-22, despois de traballar nesta parcela xunto a Julio Delgado estas últimas cinco tempadas.
“Volvo con ilusión e responsabilidade a comandar este proxecto. Estes anos estiven traballando igual na parcela técnica; agora volvo ao primeiro plano con moitas ganas e sendo consciente de que o grao de responsabilidade aumenta, pero tamén a ilusión, para seguir facendo deste club o mellor do mundo” explicaba Lucas na súa presentación, arroupado polo presidente, Manuel Blanco, que loou a súa grande experiencia e traxectoria na entidade, desde o profesorado de base, ata a súa primeira etapa en Primeira División Feminina, co dobrete na tempada 2015-16: “Lucas é un home da casa, leva moitos anos no club, ten grande experiencia tanto de primeiro coma de segundo adestrador. Con el ao mando, o equipo xa se alzou coa Supercopa e a liga e seguro que seguirá traendo grandes alegrías para a Familia Laranxa”.
Lucas reunirá xa o bloque 2021-22 o vindeiro luns, día 9, co inicio de pretemporada (Vista Alegre, 19.30 horas): “Estamos a traballar para seguir sendo o mellor. O obxectivo está claro: é gañalo todo un ano máis” aseguraba o mariñán, incidindo nas contribucións das novidades: “Son tres xogadoras con grandes achegas. Irene Samper vai axudar en verticalidade, en un contra un; é unha xogadora zurda, algo moi valioso. Con Emilly gañaremos en pegada e Elenita vai proporcionar equilibrio”. Sobre o horizonte de seguir facendo historia tamén falou Manuel Blanco: “Apostamos por darlle continuidade a un grande equipo. Temos unha tempada moi complicada por diante, esperamos que a situación sanitaria nos permita ter aos poucos maior normalidade que a tempada pasada. O equipo está formado para loitar por títulos, sabemos que vai ser difícil, pero con traballo iremos a por todas”.
As Guerreiras terán 41 días por diante para preparar a estrea de liga, o 18 de setembro coa visita á Bomboneira de Torreblanca Melilla: “Empezamos cun calendario de grandes rivais, da zona alta en 20-21; estamos a desexar que chegue xa esa data para vivir e gozar o realmente bonito” confesaba Lucas, cun test moi motivador antes, a estrea no periplo de XV Copa Galicia, o 9 de setembro, en defensa do trono: “É un título que nos fai moita ilusión; será o primeiro partido oficial e temos moitas ganas de que chegue ese día” concluía o adestrador, que volverá estar arroupado polo seu corpo técnico-médico, con Emma Losada (delegada), Pablo Díaz (preparador físico) e Fran Paz (adestrador de portería), ademais da Clínica de Fisioterapia, Osteopatía e PNI David Mariña, a enfermeira Natalia Fernández, a nutricionista Alba Vila, o podólogo Miguel Murias e Javier Couce, como xefe médico.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
