Ribadeo, 5 de agosto de 2021. O Concello de Ribadeo, coa colaboración da Vicepresidencia da Deputación, organiza Soa Forte, un ciclo de concertos que se desenvolverá os domingos de agosto no Forte de San Damián. Arrinca o día 8 con Roma e seguirá con Beetle Judge, Remakers e Astra.
A edil de Cultura, Pilar Otero, explicou que “Soa Forte é un ciclo de concertos que pretende aproveitar e pór en valor o forte de San Damián, á parte de como sitio expositivo ou mostra de arquitectura militar, como lugar onde escoitar música. O ciclo que hoxe presentamos ocupará os domingos de agosto ás 20.30 horas, co público sentado e gardando o resto das medidas anti covid 19”.
A concelleira ribadense contou que “este domingo actúa Roma, unha banda de pop-rock, proxecto persoal de dous irmáns logo de tocar coas mellores orquestras e influídos por Leiva, Quique González, Andrés Suárez ou Dani Fernández”.
Otero Cabarcos seguiu a relatar que “o segundo grupo que teremos ocasión de escoitar, ben coñecido por todos os ribadenses, o domingo 15 de agosto é Beetle Judge, unha banda de rock and roll nacida en 1997 en Ribadeo, con moita presenza de temas propios e onde xa se podían observar influencias de Alice in Chains ou Monster Magnet.
Pronto Jose Carlos Diaz ofrécelles gravar unha maqueta e a partir de aquí unha serie de acontecementos fan que se lle abran moitas portas. Vencen no concurso dos 40 Principais en Oviedo e gravan o seu primeiro disco coa discográfica avilesina Norte y Sur Records. A partir deste momento xiran pola xeografía do Estado e chegan a seren abre cancelas de grupos como Los Suaves ou Siniestro Total. No 2001 presentan un ep auto editado, Lagoon,con 5 temas propios e unha versión de Motorhead. Despois de varios anos de parón creativo o estilo cambia cara á madurez, con máis contundencia aínda nas letras e no son. A súa última aparición foi en 2014 para o peche da mítica sala de concertos ribadense Mini Bar”.
A concelleira de Cultura engadiu que “a partir desta data algúns membros formaron outros proxectos como Remakers, ZoraGabbara ou Prisco y Cherry. Sorprendentemente a principios de 2020 o grupo retoma a actividade gravando un ep, A walkby the clouds, incorporando na guitarra rítmica a David Caba. No verán de 2009 músicos ribadenses de bandas veteranas como BeetleJudge, Mallory,
ZoraGabbara, Amigos de lo Ajeno e distintos proxectos musicais únense nunha idea paralela. Simplemente por pura diversión e pracer nace Remakers, a formación que actuará o domingo 22 de agosto. En 2013 auto editan Semillas, distribuído por Inquedanzas sonoras. O disco contén 7 cortes, 6 deles orixinais máis unha versión en castelán do grupo JoyDivision. Remakers pon son persoal a Queen,The Sweet, Pearl Jam, DefLeppard ou Black Crowes, todo co seu sinal de identidade, temas propios con bases contundentes, xogos de guitarras acústicas e eléctricas e coidadas harmonizacións vocálicas. A banda, que está formada por Fran García, Pablo Feijoo, Fillo, Roberto Martínez e Cherry, descarga o seu potente directo en festivais como Osa do Mar, Arreaocabo ou Unirock. A principios de 2019 sacan o seu segundo disco, Sueños y otras pesadillas, máis introspectivo e experimental”.
Soa Forte rematará o 28 de agosto: “finalmente, o último domingo de agosto actúa ASTRA. Astra é un grupo musical formado polos ponteses Carla Alvariño Fernández e Víctor Leal Bouza. Estes presentan o seu primeiro traballo discográfico Andrómeda, formado por dez temas que xiran en torno ao pop-rock. Ademáis, tamén apostan por algunhas versións de cancións actuais, seguindo en constante busca do seu estilo propio”.
Pilar Otero manifestou que “xunto aos grupos terá o seu oco o colectivo artístico multidisciplinar As Vacas Fracas.Os seus compoñentes dispoñen dun background en formación artística, deseño e fotografía, que serviu como base para asentar e consolidar a súa paixón e vinculación coas artes plásticas. A formación multidisciplinar dos seus integrantes permítelles crear obras diversas, que teñen como obxectivo crear e comunicar a través dunha estética abstracta con guiños figurativos, que espera transmitir sentimentos e paixóns encontradas cos seus espectadores”.
Para a concelleira de Cultura “está claro que os domingos de agosto non temos ningunha desculpa para non acudir ao forte de San Damián. Escoitaredes música, disfrutaredes do espazo, seguro que o pasaremos moi ben”.
E subliñou que “este ciclo que denominamos Soa Forte, xogando co tema do son da música e co lugar tan emblemático, o forte de San Damián, está organizado polo Concello de Ribadeo e conta coa inestimable axuda da Deputación de Lugo, a través da Vicepresidencia”.
Na presentación do ciclo participaron Mónica Freire, en representación da Vicepresidencia da Deputación de Lugo; Abel Pérez, de Mialma Producióis; e Pilar Otero, concelleira de Cultura.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
