Ribadeo, 17 de setembro de 2021. O alcalde, Fernando Suárez, ven de dirixirlle un escrito ao director da Sociedade de Xestión do Xacobeo para denunciar o estado lamentable no que se atopa o albergue público de peregrinos que coxestionan o Concello e a Xunta. O rexedor asegurou que nos últimos quince anos a administración galega non realizou investimento algún para renovar esta instalación. Suárez Barcia quere saber cales son os plans do Xacobeo para este albergue e subliñou que mentres non se amañe non poderá ser renovado o convenio de colaboración entre as dúas partes.
O alcalde ribadense declarou que “este novo escrito enviado á dirección do Xacobeo ven na liña destes últimos que lles fomos enviando nos últimos meses, antes do verán e dende hai anos tamén, no senso de indicarlles que a situación lamentable do estado, case estrutural, deste pequeno albergue público de peregrinos que coxestionamos, en teoría, as dúas administracións, tanto o Concello como a Xunta. O Concello é o encargado das cuestións de orde menor e as estruturais son da Xunta. Pero o certo é que nos últimos quince anos a Xunta de Galicia, a través do Xacobeo, non investiu cantidade algunha no amaño e no remozado deste inmoble, que aínda que sendo pequeno non deixa de ser o primeiro establecemento público de recepción que se atopan os peregrinos na súa entrada a Galiza cando chegan polo Camiño Norte”.
Fernando Suárez lembrou que “un anterior director do Xacobeo, hai un ano, chegou a recoñecerme que a Xunta non tivera actuado correctamente en todo este tempo e comprometeuse a efectuar as melloras estruturais necesarias para que estivera para o Xacobeo 21. O certo é que ese director xeral xa non está e que o verán do ano Xacobeo 2021 está a piques de marchar, e nada se fixo”.
O rexedor engadiu que “descoñecemos si xa se pediron as correspondentes autorizacións preceptivas, tanto a Patrimonio, a Medio Ambiente, a Costas, etc… para garantir a legalidade da actuación que se faga. A día de hoxe só puidemos saber de xeito oficioso e polos medios de comunicación que estes voceiros políticos populares locais se amilagraban hai meses e anunciaban cuantiosas inversións nesta pequena instalación e a día de hoxe non hai nada. A única achega, a pírrica achega que o goberno galego ten con Ribadeo neste ano santo só foron unhas bandeiriñas que se nos colocaron nunha concorrida rúa da vila. E e a verdade é que son mingurrias, como quen di, para o concello que é a porta norte do país para estes milleiros de peregrinos que se achegan a Santiago”.
Suárez Barcia manifestou que “agardamos saber os plans da Xunta porque, mentres isto estea así, non imos poder renovar o convenio de colaboración entre as dúas partes a menos que desde a Xunta e que desde o Xacobeo consideren xestionalo eles completa e directamente, algo que, tamén hai que dicilo, pola nosa banda non veríamos con malos ollos a xulgar pola escasa eficacia que demostraron en todos estes anos”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
