Foz, 23 de novembro, 2021. O 25 de novembro celébrase o Día Internacional da Eliminación da Violencia contra a Muller. En 1999 a ONU adoptou esta data para chamar a atención, sensibilizar e xerar conciencia en todo o mundo, mostrando o rexeitamento á violencia machista e o compromiso coa súa erradicación. Non obstante, esta loita debe materializarse ao longo do ano con accións sostidas, concienciación continuada e resposta aos ataques. En todo o mundo, miles de mulleres son asasinadas, violadas, agredidas, mutiladas ou acosadas por ser mulleres. A isto hai que engadir que o 2021 segue marcado pola pandemia de Covid-19 e a crise social e económica, que se suma e agrava a situación de desigualdade de xénero que non protexe nin ofrece unha vida digna e segura ás mulleres. A loita contra a violencia de xénero ten unha importante dimensión política de eliminación dos factores que provocan esta violencia. A súa orixe atópase na falta de equidade nas relacións entre homes e mulleres nos distintos ámbitos.
Entre as claves para loitar contra a violencia contra as mulleres e avanzar na prevención están a educación e unha resposta adecuada da xustiza que evite a impunidade e aborde todo tipo de violencia. A violencia machista non é un problema privado, é un problema estrutural que preocupa ao conxunto da sociedade, unha vulneración dos dereitos humanos. Esixe, en primeiro lugar, políticas fortes que poñan freo á violencia, recoñezan os dereitos das vítimas e se traduzan en recursos.
É necesario que haxa unha implicación social, de institucións, asociacións e colectivos diversos que se sumen de forma coordinada na loita contra a violencia machista. As actuacións institucionais deben basearse nos principios de colaboración e cooperación mutua entre administracións cunha clara vontade política. É fundamental instalar un Sistema de Atención Integral desde unha perspectiva de xénero, interseccional e de dereitos humanos, que promova a corresponsabilidade entre mulleres, homes, Estado e comunidade. Non podemos esquecer a prostitución, que en moitos casos se alimenta da vulnerabilidade de moitas mulleres e da feminización da pobreza. Mulleres migrantes sen dereitos que precisan dunha batería de medidas integrais, porque cando non hai posibilidade de elección non se pode falar de liberdade. Todos os recursos dispoñibles deben ser suficientemente coñecidos e postos ao servizo de quen os precise. Os concellos deben ser exemplo de toma de posición por iso o Grupo municipal do BNG propon medidas para contribuir a erradicación de todas as violencias contra as mulleres.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
