Abordaron as políticas públicas que está a desenvolver o Goberno de España na provincia de Lugo, con especial atención ó investimento ferroviario e en infraestruturas, o seguimento do acordo con Alcoa e as medidas dirixidas a axudar ás economías familiares fronte a suba dos prezos da enerxía
Lugo, 20 de maio de 2022. O Secretario Xeral do PSdeG na provincia de Lugo, José Tomé Roca, mantivo un encontro coa Ministra de Política Territorial e voceira do Goberno de España, Isabel Rodríguez García, en Palexco, unha xuntanza que serviu para abordar as políticas públicas que está desenvolvendo o Goberno de España. Na xuntanza abordaron algunhas cuestións de especial interese para Lugo, como o investimento na liña ferroviaria Lugo-Monforte-Ourense. Tamén xurdiron na conversa temas relacionados coa situación industrial da provincia, como o seguimento do acordo firmado con Alcoa para a reactivación da planta de San Cibrao en 2024. A situación económica e as medidas adoptadas polo Goberno para paliar o efecto da crise enerxética foi outro dos temas tratados.
“Foi unha conversa moi cordial na que puiden comprobar de novo que o Goberno ten un claro compromiso coa nosa provincia, e que é receptivo á hora de escoitar as necesidades e suxestións que lle trasladamos para mellorar a calidade de vida dos lucenses”, dixo Tomé ó remate dunha xuntanza na que estiveron tamén presentes o Secretario Xeral do PSdeG, Valentín González Formoso; a Vicesecretaria Xeral do partido, Lara Méndez; o Delegado do Goberno en Galicia, José Manuel Miñones Conde; ou o presidente da FEGAMP, Alberto Varela, entre outros representantes do socialismo galego.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
