O izado das bandeiras, garantes da calidade das augas e servizos que ofrecen os areais, indican que estes espazos xa están acondicionados para desfrute de veciños e visitantes.
Burela, 8 de xullo de 2022.- Nas praias do Portelo, da Marosa e do Ril xa ondean desde este venres as bandeiras azuis, tres areais que reciben un ano máis o recoñecemento á calidade das augas e os servizos que ofrecen, un distintivo outorgado pola Asociación de Educación Ambiental e do Consumidor (ADEAC) en base a criterios de sostibilidade e servizos.
Este mediodía realizaron o acto de izado das tres bandeiras o alcalde de Burela, Alfredo Llano, e a concelleira de Medio Ambiente, Toñi Eijo, comezando pola praia do Portelo e rematando na Marosa, tal e como estaba previsto.
O rexedor subliñou que “temos as tres praias acondicionadas para o desfrute de veciños e visitantes, nas que ademais xa ondean as bandeiras azuis, un símbolo de calidade e prestacións que se suma aos valores medio ambientais que traballamos desde o concello con distintos axentes sociais e colectivos ao longo de todo o ano”. Nesta liña remarcou “que precisamos un verdadeiro cambio na deriva que está tomando a contaminación global e o cambio climático, polo que en Burela tomamos moi en serio o coidado das nosas praias e do noso mar, por ser un medio de vida para moitas familias e porque non hai outra resposta ao que está ocorrendo que o ecoloxismo e o respecto absoluto ao medio ambiente”. Finalizou animando “a vir ás praias de Burela, enclaves únicos que hai que desfrutar e coñecer”.
A edil de Medio Ambiente amosou a súa satisfacción por “contar de novo con tres bandeiras azuis e polo que iso significa, posto que Burela xa está despuntando en canto a calidade medio ambiental se refire, cun traballo de fondo nesta materia e unha aposta decidida pola correcta xestión dos recursos, a concienciación social e a aprendizaxe colectiva para adquirir e integrar rutinas favorables e corrixir aquelas prexudiciais para a natureza”.
Os criterios esixidos para a obtención de bandeiras azuis en praias e portos deportivos están relacionados coa calidade das augas, a seguridade e accesibilidade, a dotación de servizos, así como a xestión ambiental e a sostibilidade destes espazos.
Outras distincións
O Concello de Burela xa se está a consolidar como referente polas súas políticas públicas no eido medio ambiental, posto que as bandeiras azuis non son o único distintivo concedido á localidade.
A Asociación de Educación Ambiental e do Consumidor (ADEAC) fixo un recoñecemento neste ano 2022 co galardón “Sendeiro Azul” pola Ruta do Litoral Burelés que discorre ao longo da costa burelá, entre as praias do Cantiño e a Marosa, poñendo en valor unha vez máis a localidade no contexto comarcal, provincial, autonómico, nacional e internacional, como punto de referencia na protección e educación ambiental.
Ademais, hai uns meses que este mesmo organismo destacou tamén a Burela entre os tres mellores concellos en educación e información mediombiental de toda España, unha mención que se fundamenta no traballo constante do concello por inculcar nos distintos sectores da poboación a perspectiva da ecoloxía e o respecto ao medio.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
