Ribadeo, 8 de xullo de 2022. Ribadeo reforza esta fin de semana a recollida de vidro nos máis de 30 locais hostaleiros que se adheriron á campaña deseñada por Ecovidro e polo Concello. Estes establecementos disporán de contedores especiais para a ocasión e contarán con servizo de recollida porta a porta durante a celebración do Ribadeo Indiano. Ademais o Concello colocou en puntos estratéxicos da vila 8 contedores para o vidro, engalanados para estas datas. Eses recipientes están decorados cos carteis das sete edicións do Ribadeo Indiano.
O concelleiro de Medio Ambiente, Jorge Díaz, explicou que “Ecovidrio xunto co Concello deseñou unha campaña de reforzo de contedores, nos que van figurar as sete edicións do Ribadeo Indiano cos seus carteis. Son oito contedores de reforzo con esa imaxe significativa de cada edición do evento, que están situados en puntos estratéxicos da vila”.
O edil ribadense indicou que “ademais ponse en marcha unha recollida porta a porta para os hostaleiros, da que se beneficiarán entre 30 e 40 locais das zona da vila que forman parte do recorrido da festa indiana, desde o porto ata a rúa San Roque. Unha parella de rapaces van ir recollendo os residuos de vidro en todos os locais que se quixeron adherir a esta campaña que solicitamos e Ecovidrio, que foi por cada establecemento que o precisou, levoulles un contedor para que fixesen mellor ese labor. Entón durante sábado e domingo van ter á súa disposición ese servizo de porta a porta: vanlles recoller os envases de vidro e despois devolveranlles o recipiente baleiro”.
Díaz Freije agarda que “sexa unha xornada lúdica e festiva propicia para toda a vila, para todos os visitantes e para todos os veciños de Ribadeo e que para os hostaleiros supoña unha boa festividade”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
