Nos últimos días coñecíamos a opinión da oposición de Foz e de Burela acerca do mal estado xeral de ambas vilas. Coinciden ambos portavoces en moitas das súas valoracións, existindo deficiencias similares nas dúas poboacións e ata incluso no momento de envíalas á prensa. Curioso, xa que ambas vilas difiren amplamente en características.
Centrándonos en Foz, e como ven sendo habitual desde que comezou, o balance da oposición é negativo. Afondemos na reflexión.
As obras producen molestias, certamente e por desgraza. Pero o camiño para a mellora pasa por elas. A “pequena envergadura” da obra da Costa do Castro fixo que se abrira provisionalmente ao tráfico sen o remate da mesma, para non acumular o tráfico nas avenidas. Sabemos todos do estado da Avenida da Mariña, proxectada para durar 30 anos e que actualmente está a romper por todas partes e que necesitará un novo arranxo en breve (xa sería o segundo dende o seu remate). E, a pesar do intenso circular de vehículos, a Avenida Álvaro Cunqueiro soporta mellor o paso cara Barreiros, xa que a rúa do Pilar non estaba preparada para el.
As parroquias, esquecidas anos atrás, contan sempre con investimentos no orzamento municipal e en todas as subvencións que se poden pedir. As súas actividades, coa grande implicación veciñal, son sempre apoiadas polo Concello, en todos os sentidos.
Un verán cheo de actividades, cunha implicación total do persoal municipal, de asociacións e comerciantes que fixo de Foz un lugar capaz de captar a visita de tantas persoas. Continuaremos con traballo, buscando investimentos, promocionando e ensinando Foz. Porque o noso pobo é bandeira e quere seguir mellorando. Estar en prácticas e aprendendo (coma no Obradoiro de Emprego Terras do Ouro) parece ser que dá mala imaxe, usando esa expresión coma arma arreboladiza contra o goberno municipal.
Ás veces visitar outros lugares apórtanos perspectiva. O bo goberno socialista no país veciño fainos abrir os ollos ao que pode ser o futuro. Un futuro de cambios pequenos que Foz está vivindo, aquilo que non se fixo antes e que loita por saír adiante.
Aporten ideas e solucións para a mellora, para “seguir sumando a prol do concello”. Non soamente nomes rimbombantes. Aporten o seu traballo con outras institucións, como fan outros compañeiros seus, traendo ao seu concello actividades, concertos e investimentos da administración autonómica. Non dependan só de valorar negativamente o traballo do goberno. Aporten o seu traballo, non vivan do pasado, os cidadáns non viven so do escarnio.
Inés López Couto (Alcaldesa en funcións do Concello de Foz)
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
