“Desde hoxe es Fillo Predilecto de Viveiro e estou convencida que para ti non hai maior recoñecemento, o máis prezado metal é sentirse querido no teu pobo e non é sinxelo ser profeta na túa terra”, expresou María Loureiro, alcaldesa de Viveiro
Viveiro, 29 de outubro de 2022. O Concello de Viveiro acolleu hoxe un emotivo acto para nomear ao deportista Adrián Ben, fillo predilecto da vila. O teatro Pastor Díaz recibiu o evento, no que estiveron presentes membros da Corporación Municipal, Adrián Ben e a súa familia, así como veciños e veciñas de Viveiro.
O seu nomeamento como fillo predilecto foi aprobado por unanimidade no pleno da Corporación Municipal. Un recoñecemento aos seus valores humanos e profesionais dunha das grandes figuras do atletismo español, como o demostra o seu sexto posto no Mundial de Doha en 2019 e a histórica quinta praza que acadou nos Xogos Olímpicos de Tokio en 2021 na modalidade de 800 metros lisos.
“A participación de Adrián Ben nos Xogos Olímpicos de Tokyo foi unha luz ao final do túnel que encheu de ilusión as nosas rúas e os nosos fogares”, recordou a alcaldesa, María Loureiro, sobre unha cita que coincidiu con restricións debido ao COVID-19.
Alén dos éxitos deportivos, a rexedora recordou o cariño co que falaba Ben sobre Viveiro, “enchíanos de ledicia ver como en cada entrevista que che facían presumías das túas orixes, de ser de Viveiro”.
Loureiro repasou a traxectoria do atleta viveirense, da que moitos veciños e veciñas da vila foron testemuñas. “Pero sen dúbida o mellor está por chegar, Adrián, e quero que saibas que nas túas próximas grandes citas, como sempre, estaremos todos empurrando”, engadiu. A alcaldesa insistiu ademais no gran exemplo que supón Adrián “para os nenos e nenas de Viveiro, xa que o deporte e os hábitos de vida saudables son grandes compañeiros de viaxe”.
“Desde hoxe es Fillo Predilecto de Viveiro e estou convencida que para ti non hai maior recoñecemento, o máis prezado metal é sentirse querido no teu pobo e non é sinxelo ser profeta na túa terra”, expresou emocionada a rexedora viveirense.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
