Actualmente están abertas as tres convocatorias do Kit Dixital. Para empresas de entre 10 e 49 traballadores, axudas de 12.000€; para pemes de 3 a 9 empregados, achegas de 6.000€; e de 0 a menos de 3 traballadores, bonos de 2.000€
Monforte de Lemos, 26 de outubro 2022. A subdelegada do Goberno en Lugo, Isabel Rodríguez, avanzou este mércores que máis de 400 pequenas empresas da provincia, o 60% do total, de entre 10 e 49 traballadores, xa solicitaron o bono de 12.000 euros do Kit Dixital para dixitalizar os seus negocios. “Son un total de 4,8 millóns de euros os que o Goberno leva inxectado na provincia a través deste programa de axudas para transformar o noso tecido produtivo e facelo máis competitivo”, destacou Rodríguez.
A subdelegada, acompañada do alcalde de Monforte de Lemos, José Tomé, puxo en valor estes datos nunha reunión hoxe con empresarios do municipio para informarlles sobre o Kit Dixital e animalos a solicitar os bonos do Goberno. “Son unhas cifras que valoramos moi positivamente porque as axudas están chegando ás pemes e autónomos lucenses cando máis o necesitan, demostrando a boa acollida deste plan do Executivo Central”, sinalou Rodríguez.
“O noso obxectivo é seguir transformando dixitalmente ao maior número de empresas pequenas da provincia, fomentando novas oportunidades de expansión e abríndose a novos mercados”, subliñou a subdelegada, quen lembrou que o Goberno destina un orzamento de 3.067 millóns de euros dos fondos Next Generation para dixitalizar a preto dun millón de pemes e autónomos en todo o territorio nacional os próximos tres anos.
Isabel Rodríguez explicou que estas subvencións do Goberno teñen como finalidade avanzar na dixitalización de áreas crave como presencia na internet, deseño da web, venda electrónica, xestión de clientes e provedores, oficina dixital, redes sociais, xestión e automatización de procesos e ciberseguridade.
Na reunión, celebrada na casa consistorial, participaron o presidente da asociación de empresarios P.I. O Reboredo, Miguel ángel de la Fuente, a delegada da asociación provincial de empresarios de hostalería e turismo da zona sur, Beatriz Vila, e o presidente do centro comercial urbano, Juan Carlos González.
3 liñas de axudas do Kit Dixital
Tal e como explicou Rodríguez, o Goberno ten abertas as 3 convocatorias do programa de dixitalización. Por unha banda, está a liña dirixida a empresas de entre 10 e 49 empregados. Debido á boa acollida da iniciativa, a Secretaría de Estado de Dixitalización e Intelixencia Artificial do Ministerio de Asuntos Económicos e Transformación Dixital decidiu ampliar seis meses máis o prazo de solicitude para esas empresas (segmento I), que poden solicitar o bono de 12.000 euros ata o 15 de marzo de 2023.
Por outra banda, o prazo para as empresas do segmento II (de 3 a 9 empregados) está aberto dende o pasado 2 de setembro durante doce meses. Estas micropemes teñen acceso a un bono de dixitalización de 6.000 euros.
Por último, o programa complétase cunha terceira convocatoria para negocios de menos de tres empregados e autónomos (segmento III), que poden solicitar un bono de 2.000 euros ata o 20 de outubro de 2023.
Solicitude dixital
As empresas interesadas poden solicitar as axudas na sede electrónica de Red.es. Baixo o lema “cero papeis”, Red.es deseñou un sistema de tramitación moi innovador que axiliza o proceso usando ferramentas de robotización e intelixencia artificial, polo que se pode solicitar a axuda sen achegar ningunha documentación, xa que será suficiente con que o empresario autorice a Red.es a consultar de oficio os requisitos e obrigacións requiridos para obter a condición de beneficiario. O catálogo de solucións de dixitalización pódese consultar na web www.acelerapyme.es
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
López Campos salientou o apoio da Xunta a esta cita pola súa relevancia cultural e polo seu papel na dinamización do rural, así como pola forte implicación veciñal que a sostén. Durante o acto, entregou un dos premios do concurso escolar de relato e debuxo, integrado nun programa que combina artesanía, produtos de calidade, obradoiros e música. Pola súa banda, Iria Castro percorreu os postos das filloeiras, que ofreceron centos de racións deste doce tradicional aos numerosos visitantes. A deputada tamén visitou o punto de degustación de xamón de porco celta do programa Un gusto de rural, un rural degusto e o posto de divulgación Lambiscadas Científicas, dúas propostas impulsadas coa colaboración da Vicepresidencia da Deputación e integradas na programación da feira.
Carlos López destacou que a Deputación colabora con esta cita –a través dunha achega de 3.000€- porque é unha das celebracións gastronómicas máis coñecidas do norte de Galicia, capaz de poñer en valor a tradición culinaria e a riqueza natural do entorno. Durante toda a mañá tiveron lugar na contorna da Praza dos Fornos os concursos de lance e mosca, unha exhibición de pesca, a pesada e as clasificacións. Xa pola tarde, tras a entrega dos trofeos, tivo lugar a verbena a cargo de Suavecito e Pedro Bermdez.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A presentación correrá a cargo de Marisa Barreiro, presidenta do IESCHA. O acto terá lugar o venres 8 de maio de 2026, ás 20:00 horas, na Casa da Cultura de Vilalba.
A área de Deportes reforzará o seu respaldo ao club cunha subvención excepcional ligada á presenza neste torneo estatal. O vicepresidente Efrén Castro visitou este mércores o equipo en Castro Ribeiras de Lea para trasladarlles ánimo e destacar a importancia de competir a este nivel para dar visibilidade ao deporte feminino e avanzar na igualdade. Ademais deste apoio puntual, a Deputación financia de maneira estable a actividade do club cunha subvención nominativa de 70.000 euros, a principal achega institucional ao seu funcionamento.
A función está dirixida ao público adulto e a entrada será de balde, ata completar aforo. O evento conta coa colaboración do Concello. Unha nova oportunidade para gozar do teatro local e apoiar o traballo das compañías da comarca.
