A Administración local, co aval de Patrimonio, derrubará a comezos de ano o groso do esqueleto que vén de adquirir por medio dunha poxa pública, mantendo tan só a parte baixa, “acabando así co feísmo urbanístico nesta zona ao tempo que aproveitamos os cimentos para crear un espazo no que poñer en valor todos os achádegos do Castro da Atalaia e doutros xacementos do municipio e da contorna”
Cervo, 17 de decembro de 2022. O Concello de Cervo contará co primeiro Centro Arqueolóxico da Mariña que se erixirá, como non podería ser doutro xeito, na zona da Atalaia.
Así o anunciou o rexedor, Alfonso Villares, que explicou que nos vindeiros meses, a comezos de ano, e logo dun longo e complexo proceso, por fin poderemos ver ese cambio na fachada de San Ciprián, “porque comezaremos a derrubar ese esqueleto que ten un impacto visual tan negativo na península, e que puidemos adquirir recentemente, por medio dunha poxa pública”.
Villares explicou que se derrubará o groso da construción que provoca ese feísmo, mantendo os baixos da edificación “que aproveitaremos para a creación do Centro Arqueolóxico da Mariña, o primeiro destas características na contorna; porque entendemos que todos os restos do Castro da Atalaia como doutros xacementos da nosa zona, merecen ocupar o lugar que lles corresponde para a súa posta en valor”.
O rexedor e a edil de Patrimonio, mantiveron un encontro con membros de Mariña Patrimonio e tamén do Servizo de Patrimonio da Xunta de Galicia, para trasladarlles esta idea “que situará a Cervo como referente en materia de arqueoloxía e patrimonio na Mariña ao tempo que reparamos toda a panorámica da zona”.
Cabe recordar que o Concello de Cervo é xa titular tanto do esqueleto como do edificio que levaba moitos anos deshabitado e que está situado ao seu carón o que nos permitirá por fin “cumprir con ese obxectivo que levamos anos perseguindo desde o equipo de goberno que pasa por recuperar toda esa zona e dotala dunha imaxe renovada e integrada na paisaxe”.
Con respecto ao esqueleto no que se situará o Centro de Arqueoloxía da Mariña, Villares recordou, que o edificio xunto cos terreos, saíu a poxa logo dos trámites administrativos realizados desde o Concello o que permitiu chegar a esta situación. Un camiño que non foi nada sinxelo de percorrer –explica- e que nos fai retrotraernos varios anos atrás, “no 2019 iniciouse un informe técnico de reposición da legalidade, que desembocou en tres multas coercitivas; por un valor total de 13.000 euros; e entremedias aprobouse tamén o Plan Especial de Protección do Xacemento da Atalaia”. Todos estes pasos previos permitíronnos chegar agora a esta situación tan favorable de ser o Concello de Cervo o titular da estrutura e da parcela na que foi levantada no ano 2007, e que pretendía albergar 42 vivendas, con garaxes e rochos, en 7 niveis diferentes.
Ademais, xa se fixo a acta de replanteo da obra para acondicionar unha praza neste barrio da Atalaia. Unha actuación que está enmarcada no plan Hurbe da Xunta de Galicia que xa adxudicou o proxecto por un importe que supera os 400.000 euros, financiado ao 70% pola Administración autonómica e o 30% restante polo Concello de Cervo.
Tal e como subliñou Villares, “con estas actuación queremos poñer en valor toda esta zona tan privilexiada do noso Concello, como é a Atalaia, que, coa nova Praza e co Centro de Arqueoloxía, sumará atractivos para desfrute da veciñanza e tamén das persoas que se acheguen a visitarnos”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
