Ribadeo, 21 de decembro de 2022. O Concello segue na loita contra os incendios forestais. Na sede electrónica acaban de ser publicadas unhas bases destinadas á nova entrega de árbores ás persoas responsables de redes secundarias de faixas de protección de biomasa no termo municipal de Ribadeo. En total destínanse 9.000 euros a este fin. A veciñanza interesada pode presentar as súas solicitudes ata o vindeiro 20 de xaneiro, segundo deu a coñecer o alcalde, Fernando Suárez.
O rexedor dixo que “de todos é sabido o esforzo que levamos feito no Concello de Ribadeo nestes últimos anos para lograr que arredor dos núcleos de vivendas ou das casas illadas haxa unha superficie libre destas especies pirófitas, de alta combustibilidade, como poden ser os eucaliptos, os piñeiros, as acacias, etcétera, simplemente polo cumprimento da lei. Pero parece que fomos os únicos do mundo, cando a lei está para que se cumpra en todos os sitios, en todos os concellos e en todos os lugares, para evitar dramas como temos visto no resto do país non hai tanto tempo ou mesmo en Portugal non hai tantos anos. Entón é necesario que isto se siga facendo así cada ano porque así o obriga e o marca a lei”.
Suárez Barcia subliñou que “con todo desde o Concello, tamén estes últimos anos, queremos ofrecerlles a posibilidade a todas aquelas persoas propietarias de terreos que teñen que facer estas melloras que poidan plantar, para o que queremos regalarlles este tipo de especies que a lei si permite, como castiñeiros, carballos, acivros, etcétera, para que se poidan ir plantando nestas superficies arredor das casas porque ese tipo de vexetación non favorece a propagación de incendios forestais senón precisamente todo o contrario. E ao mesmo tempo se se plantan estas especies evítase que medren os toxos, a broza, etcétera, e que cada ano haxa que estar desbrozando e traballando; faise o labor moito mellor”.
O alcalde explicou que “no día de hoxe acabamos de publicar na sede electrónica do Concello de Ribadeo unhas bases destinadas á entrega de árbores ás persoas responsables destas redes secundarias de faixas de protección de biomasa. O importe total desta axuda ascende a 9.000 euros, que imos repartir en forma de árbores entre os distintos beneficiarios, de acordo cuns criterios que están establecidos nestas bases que acabamos de publicar”.
Fernando Suárez engadiu: “polo tanto o prazo para formular estas solicitudes será ata o 20 de xaneiro do ano que vén pois temos a intención de entregar as árbores no mes de febreiro porque, unha vez que se encarguen aos viveiros, é un bo momento para facer esta plantación. Así que cada veciño ou veciña interesado debe facer unha solicitude ao Concello, onde xa temos un formulario establecido para este efecto, e unha vez que teñamos todas as solicitudes recibidas calcularase o importe que lle corresponderá a cada solicitante para que posteriormente cada veciño indique a clase e o número de árbores que quere recibir, para que desde o Concello llos encarguemos a un viveiro e posteriormente entregarllos aos beneficiarios”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
