Ribadeo, 8 de febreiro de 2023. O Concello de Ribadeo ven de licitar as obras de mellora da rúa Rodríguez Murias, en Rinlo. O investimento ascende a case 50.000 euros e o prazo de execución será de dous meses, segundo anunciou o concelleiro de Economía, Pablo Visoso.
O edil ribadense dixo que “desde o Concello de Ribadeo continuamos nestes días traballando intensamente para seguir mellorando a nosa Vila e tamén as nosas parroquias. E hoxe, temos que falar do núcleo de Rinlo onde se executarán nas vindeiras semanas unhas as obras de mellora da rúa Rodríguez Murias, que precisamente se acaban de licitar”.
Vizoso Galdo sinalou que “mentres outros grupos políticos non teñen outro cometido mais que faltar á verdade, tratando de enganar á veciñanza, pola nosa parte como goberno e con responsabilidade seguimos a facer o que levamos facendo todo este mandato, que non é outra cousa que traballar para mellorar Ribadeo, xestionando os recursos públicos da mellor maneira e dun xeito honesto e eficienteco obxectivo de transformar o noso concello”.
O concelleiro de Economía indicou que “neste caso, trátase dunha actuación nunha parte do núcleo de Rinlo que se atopaba moi deteriorada, onde houbo moitas avarías e fugas na rede de auga e de servizos, e esta é esta unha das causas de que aparezan as numerosas fochancas que existen”.
Pablo Vizoso subliñou que “despois de semanas de traballo neste proxecto, o pasado 9 de xaneiro foi remitido á Dirección Xeral de Patrimonio Cultural, porque esta rúa atópase dentro da zona Ari de Rinlo, e precisa polo tanto da súa autorización para poder executar calquera obra. E finalmente Patrimonio, na súa comisión do 27 de xaneiro, informou favorablemente este proxecto, co que agora xa estamos en disposición de licitado. E sendo así no día de hoxe publicamos na Plataforma de Contratos do Sector Público a licitación destas obras, que ascenden a 49.971 euros e que contan cun prazo de execución de 2 meses. A partir deste momento as empresas cualificadas xa teñen acceso a toda a documentación nesta web ou na do propio Concello de Ribadeo e contan cun prazo de presentación de ofertas de 20 días naturais”.
O edil explicou que “este proxecto, que foi redactado polos técnicos municipais, ascende a uns 50.000 euros de inversión como dicía, e contempla a mellora do pavimento que se atopa en mal estado. Vai ser arranxado con aglomerado en quente, vaise actuar tamén na rede de abastecemento e saneamento, humanizarase a zona retirando as árbores que se atopan en mal estado de conservación para posteriormente plantar outras 6 novas. E dotarase a toda zona de bancos e cubrecontenedores, acondicionando unha soleira de formigón desactivado nas beirarrúas que estarán ao mesmo nivel que o aglomerado de capa rodadura, e separadas deste por rigolas prefabricadas”.
Ata Rinlo se achegou Pablo Vizoso acompañado pola concelleira de Obras, Mónica Freire.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
