Ribadeo, 17 de marzo de 2023. Por unanimidade foi aprobada, no pleno extraordinario e urxente celebrado este mediodía no Concello de Ribadeo, a proposta da Alcaldía para requirir da Xunta de Galicia o compromiso e a lealdade institucional co Hospital Asilo de San Sebastián e San Lázaro.
A encargada de explicar a devandita proposta foi a concelleira de Servizos Sociais, Mónica Freire. Na quenda de intervencións o alcalde, Fernando Suárez, insistiu en que a Consellería de Política Social “non respondeu nunca aos escritos que desde o Concello lle enviamos en demanda de axuda para poder acometer a reforma do Hospital Asilo de Ribadeo”. O rexedor avogou pola sinatura dun convenio interadministrativo para a execución duns traballos que suporán máis de 1,6 millóns de euros, sen contar o investimento no mobiliario.
Suárez Barcia insistiu en que “o Concello solicitou hai meses unha axuda económica a través dunha liña de Fondos NextGeneration ao Goberno do Estado” e pediu que “a Xunta de Galicia aclare a cantidade económica que está disposta a destinar ao Hospital Asilo de Ribadeo e que concrete a qué centros máis próximos serán desviadas as usuarias e os usuarios desta instalación, mentres de realicen as obras de reforma”.
O alcalde criticou a forma de proceder da Xunta de Galicia en todo este asunto: “onte pola tarde enviaron un correo electrónico ao técnico de Servizos Sociais citándoo a unha xuntanza a vindeira semana. Non seguiron para nada os cauces oficiais do que ten que ser a comunicación entre institucións e este mediodía uns minutos antes de empezar este pleno envían outro correo, un pouco máis formal, tras anos e meses sen saber nada da Consellería de Política Social. A vindeira semana acudiremos a esa reunión”.
Fernando Suárez dixo que “o Concello lle remitirá á Xunta de Galicia, empregando o rexistro electrónico, o acordo plenario acadado no día de hoxe por unanimidade”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
