Ribadeo, 15 de marzo de 2023. No Perfil do Contratante está publicada a reforma do Hospital Asilo. As empresas interesadas disporán de 20 días, contados a partires de mañá, para presentar as súas ofertas, segundo deu a coñecer hoxe a concelleira de Obras, Mónica Freire. O investimento ascenderá a 1,6 millóns de euros, ao que logo haberá que engadir o mobiliario.
A edil ribadense declarou que “desde o Concello de Ribadeo seguimos avanzando para que a reforma do Hospital Asilo Municipal de San Sebastián e San Lázaro poida ser unha realidade nos vindeiros meses. Deste xeito, no día de hoxe publicamos no perfil de contratante a reforma do hospital asilo. As empresas interesadas terán, desde mañá, 20 días para presentar as súas ofertas”.
Mónica Freire dixo que “desde o goberno de Ribadeo temos moi presente que para nos a atención ás persoas maiores é un eixo fundamental e por isto nos marcamos desde o comezo do mandato o obxectivo de poder acondicionar o Hospital Asilo para convertelo nun espazo moderno e no que os seus usuarios reciban unha atención axeitada e especializada”.
A concelleira de Obras subliñou que “o investimento total desta reforma do edificio do Hospital Asilo é de mais de 1,6 millóns de euros (ao que habería que engadir o mobiliario)”. Freire Rancaño referiuse á Xunta de Galicia: “e volto a lembralo, a Xunta de Galicia debería financiar a totalidade desta reforma, porque é precisamente a Xunta quen ten as competencias exclusivas en servizos sociais e a obriga de asumir o seu financiamento, mais a día de hoxe seguimos sen ningunha noticia sobre se asumirá estes 1,6 millóns de euros ou fará o mesmo que fixo coa residencia nova, que foi nin mais nin menos que mirar para outro lado e non cumprir coas súa responsabilidade para coa veciñanza de Ribadeo”.
A edil insistiu en que o equipo de goberno quere que Ribadeo conte con dous centros de atención ás persoas maiores: “mais desde o noso goberno imos ir adiante con esta actuación e a reforma do Hospital Asilo se fará si ou si, porque queremos que Ribadeo conte con dous centros de atención a persoas maiores públicos e de calidade, e chegar a esas 90 prazas públicas tan necesarias para atención ás persoas maiores que así o precisen”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).