Vázquez destacou do candidato o seu coñecemento do municipio e o compromiso que ten con todos os seus veciños. Ademais asegurou tamén que traballarán para levar a nova depuradora a Barreiros
Barreiros, 23 de maio de 2023. A reponsable do Goberno galego de infraestruturas e mobilidade, Ethel Vázquez visitou esta tarde Barreiros para acudir ao mítin do PP da localidade xunto ao coordinador xeral do PP provincial, José Manuel Balseiro Ourol, e o deputado no Congreso, Jaime De Olano, no que arroupou ao candidato á alcaldía, José Manuel Gómez Puente, e apoiou o seu proxecto político en materia de infraestruturas.
Ethel Vázquez destacou que José Manuel Gómez puente é un candidato que coñece “ao dedillo” o seu municipio e manifestou o compromiso de colaborar para resolver o problema de vertidos na praia de Arealonga e para mellorar o saneamento de San Miguel de Reinante.
Precisamente durante o encontro o alcaldable destacou as principais liñas coas que queren traballar se chegan a gobernar. Unha das máis importantes, en materia de infraestruturas é “conseguir a depuradura de San Miguel de Reinante” porque, entre outras cousas, “sen a depuradora a praia de Arealonga seguirá estando pechada ao baño nunha parte”. Os núcleos de San Miguel e Reinante carecen de sistemas adecuados de depuración, pois as respectivas depuradoras están obsoletas, e os problemas quedan en evidencia, sobre todo en tempada estival polo aumento da actividade turística. É frecuente tamén as notificacións de positivos en contaminación microbiolóxica por presenza de bacterias fecais e que impiden o uso da zona de baño.
Para para Barreiros, di Gómez Puente, outro dos asuntos a tratr con máis urxencia é o déficit de socorristas nas prais do municipio durante a tempada de verán. “Cando gobernaba o PP en Barreiros tiñamos un servizo de socorristas referente en toda a Mariña e precisamos volver a telo para dar seguridade nas praias aos nosos veciños”, explica o candidato.
VOTO ÚTIL
Olano recorda que o BNG dicía que o PP iba pechar o Hospital da Costa e, sen embargo, investiu 20M€ na súa mellora, mentras que o BNG nada executou durante o tempo que estivo no Goberno da Xunta. “E foron os nacionalistas os que fixeron posible que Sánchez sexa hoxe o presidente do Goberno. Foi o BNG o que apoiou un Goberno defende aos okupas e que non fixo nada polas mulleres coa Lei do solo si es si que permite que os violadores saían da prisión”, afirmou. Neste senso, destacou a importancia de que, a partires do domingo, haxa unha Deputación que goberne “para todos igual porque todos pagamos impostos e, entre todos, a finais de ano, levar a Feijóo á Moncloa”.
Pola súa banda, José Manuel Balseiro, apelou ao voto útil, xa que “se non cambia o goberno local, Barreiros irá a peor. Em ademais, hai que ter conta, dixo, que as obras importantes deste concello foron feitas polo PP”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
