Empraza á Xunta a “rectificar na súa intransixencia” respectando as condicións laborais para velar tamén pola seguridade das persoas
Santiago de Compostela, 16 de agosto, 2023. O deputado do BNG Iago Tabarés vén de denunciar a falta de medios materiais e persoais que veñen sufrindo os Consorcios Provinciais de Incendios e Salvamento, unhas carencias que xa teñen obrigado ao peche dalgúns parques comarcais de bombeiros, como sucedeu cos de Vilagarcía, Viveiro, Verín ou Bueu.
“No momento de maior risco de incendios estanse pechando parques por falta do persoal necesario, o que provoca unha deficiente cobertura nas emerxencias”, advirte o deputado nacionalista, que lembra que recentemente se tiveron que mobilizar bombeiros dende O Porriño para atender unha alerta por incendio en Cangas porque estaba pechado o parque de Bueu.
Tabarés, que xa rexistrou unha iniciativa no Parlamento Galego por esta cuestión, achaca á “intransixencia e neglixencia” da Xunta o peche dos parques, pois o Goberno do PP tense negado a negociar cos traballadores e traballadoras dos mesmos, inmersos nun conflito laboral que o pasado mes de xuño lles levou a convocar unha folga pola que deixaron de realizar, de xeito voluntario, horas extraordinarias.
“Esta medida evidenciou a carencia de persoal existente nos Consorcios Provinciais de Extinción de Incendios e Salvamento, polo que dende a adopción de tal medida practicamente cada día algún parque comarcal houbo pechar o servizo por carecer de efectivos mínimos para atendelo”, denuncia o deputado do Bloque na súa iniciativa.
Ante a persistencia do conflito e as consecuencias do mesmo, o BNG esixe de novo á Xunta que sente a negociar cos traballadores e traballadoras dos consorcios, que reclaman da Administración melloras laborais e sociais e, conforme aos criterios establecidos polo Tribunal Supremo, a integración como persoal laboral do cadro de persoal que fora subrogado cando os parques comarcais de bombeiros pasaron á xestión pública directa.
“Dende o BNG esiximos á Xunta responsabilidade e que rectifique a súa postura de intransixencia, que negocie e respecte as condicións laborais dos traballadores e traballadoras dos consorcios para velar tamén pola seguridade das persoas”, manifesta o deputado nacionalista, lembrando que o PP xa ten votado en contra de anteriores iniciativas presentadas polo Bloque neste sentido.
A maiores, traballo de Seaga
Tabarés critica ao Goberno do PP por non ter adoptado medidas para paliar a situación, pero tamén por agravala aínda máis ao “derivar aos parques comarcais traballos que corresponden á propia Administración autonómica e cuxa execución corresponde á empresa pública Seaga”.
Neste sentido, pregunta na súa iniciativa cantos foron os niños de velutina retirados diariamente en Galiza durante este ano 2023, e cales deles foron retirados por intervención da empresa pública Seaga e cales polo persoal dos parques comarcais pertencentes aos Consorcios Provinciais de Bombeiros.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
