Ribadeo, 21 de agosto de 2023. Ribadeo acollerá do 30 de agosto ao 1 de setembro o XII Fórum de Innovación e Formación sobre Vehículos, que organiza Apaga, e ao que acudirán medio cento de participantes procedentes de Madrid, Asturias, Castela-León e Galicia.
O presidente da Asociación de Profesores de Automoción de Galicia, Álvaro Doural, explicou que “se segue mantendo máis ou menos o mesmo esquema de traballo que en anos anteriores. É dicir, hai unha parte dedicada ás conferencias e outra aos talleres”.
Doural contou que “a inauguración será o 30 de agosto ás 10 da mañá nas nosas instalacións. Esa xornada contaremos coa participación da empresa Enriel e Manuel Lage (doutor enxeñeiro industrial en Madrid e Bilbao), que é unha persoa que traballou en Iveco, en Barreiros… e que agora está xubilado e é un dos nosos novos colaboradores. Lage vai pronunciar unha conferencia sobre a historia do automóbil en España. Xa pola tarde haberá unha serie de talleres como todos os anos. Teremos tamén unha asemblea xeral para proceder á elección da nova xunta directiva e para a presentación das estratexias para os próximos catro anos. Ás 20 horas haberá unha recepción no Concello de Ribadeo para todos os participantes”.
O presidente de Apaga seguiu a contar que “o día 31 participarán as empresas Robert Bosch e Anest Iwata Ibérica. Tamén haberá unha ponencia sobre URO Vehículos Especiais, a única empresa española que realmente constrúe este tipo de vehículos e que está en Santiago de Compostela. É unha firma moi especializada na fabricación de vehículos para o exército. Despois, vai haber tamén unha conexión online con Ángel Gaitán Risco, que é unha persoa que está constantemente nas redes sociais contando situacións de distintos vehículos, avarías… vai falar das redes sociais aplicadas á motivación do alumnado de FP”.
Doural dixo que “máis tarde, como forma de potenciar os nosos recursos naturais e a sostibilidade de toda a zona vai haber unha subida en barca hasta a Ría de Abres de todos os participantes nesta nova edición do noso Fórum”.
E engadiu: “o venres participará a empresa BMW e Álvaro Saucas que falará sobre a tecnoloxía do hidróxeno. Despois, contaremos tamén coa presenza da empresa Estellantis. E pola tarde, a empresa Efibat dedicada aos cargadores de vehículos eléctricos. E pecharase este Fórum cunha serie de presentacións de experiencias, o que nos chamamos Testimonios Erasmus+. Son xente que foi de mobilidades durante este ano. Neste caso serán os profesores que foron a Estonia e os rapaces que foron a Italia”.
Álvaro Dorual subliñou que “contaremos con 50 participantes nesta edición chegados desde Madrid, Asturias, Zamora, León e de toda Galicia”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
