Tras constatarse unha variación de máis de 850.000 € no patrimonio do líder do PP, o Bloque pide “respecto, transparencia e o cumprimento do Regulamento”
Santiago de Compostela, 07 de setembro, 2023. O deputado do BNG Iago Tabarés reclamou hoxe ao ex presidente da Xunta e actual líder do PP, Alberto Núñez Feijóo, que actualice no Parlamento de Galiza a súa declaración de bens e dea contas do relevante incremento, de máis de 850.000 euros, do seu patrimonio entre os anos 2020 e 2022.
“Como é publicamente coñecido, entre xullo de 2020 e xuño de 2022 o patrimonio do señor Feijóo experimentou unha variación superior aos 850.000 euros, e existe a obriga regulamentaria de actualizar unha modificación patrimonial tan relevante”, asegurou Tabarés, quen detallou que dese incremento 64.000 euros corresponden a depósitos, 53.000 a accións, 481.500 a un fondo de Abanca, 238.000 a amortización dun préstamo e 15.000 a un plan de pensións.
“Dende o BNG non podemos afirmar que a orixe do incremento patrimonial do Sr. Núñez Feijóo teña causa ilícita, nin que proceda de sobresoldos ou que percibise gastos de representación, como agora se coñece na súa etapa do Senado, simplemente pedimos respecto, transparencia e o cumprimento do Regulamento da Cámara”, asegurou Tabarés nunha rolda de prensa na que anunciou que o Bloque vén de solicitar formalmente que se convoque a Comisión do Estatuto do Deputadx, que leva máis dun ano sen celebrar sesión algunha.
Subliñou, neste sentido, que nos últimos meses máis dunha decena de membros do Parlamento cesaron na súa condición de deputados ou deputadas e outras tantas tomaron posesión do seu escano, sen que se celebrara a comisión para dar conta das súas declaracións de bens e actividades, paso previo á publicación na web de transparencia do Parlamento “para coñecemento de toda a cidadanía”, explicou.
A pesar de que o BNG xa o solicitou hai máis dun ano, a Comisión do Estatuto ten pendente ademais pronunciarse sobre a necesidade de solicitar a Feijóo a aclaración do incremento do seu patrimonio. “Non consta que Feijóo o fixera a pesar de que dende o ano 2015 os deputados e deputadas temos a obriga de informar das modificacións relevantes nas declaracións iniciais”, denunciou Tabarés.
O deputado do BNG, que especificou que o propio Feijóo cumpriu co Regulamento no 2019 por unha variación patrimonial menor, reclamou ao Partido Popular que apoie a convocatoria da Comisión do Estatuto do Deputado e non impida “o normal funcionamento do Parlamento de Galiza e das persoas que o compoñen”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
