“O Estado dispón de mecanismos para poderlle axudar economicamente a través de axudas a electrointensivas e outros apoios ou axudas a grandes empresas, no caso de querer seguir”, segundo explican os populares
Lugo, 26 de xaneiro de 2024. O PP lucense esixe “máis implicación do Goberno do Estado ante un problema vital para A Mariña e para toda a provincia de Lugo como é a continuidade da produción de aluminio primario en España”.
Os populares explican que “o Goberno ten os medios para esixir a Alcoa que aclare se quere seguir producindo aluminio en España. No caso de non estar interesada, pedímoslle que inicie o proceso para a intervención temporal da fábrica a través da SEPI mentres realiza as xestión de traspaso a un terceiro”.
Ao mesmo tempo, dende o PP da provincia de Lugo cren necesario “advertir a Alcoa que, en caso de marchar, o proceso non lle vai saír gratis porque terá que deixar os fondos dispoñibles para indemnizar os investimentos previstos no acordo, os salarios dos traballadores ata que entre unha nova empresa, así como o testamento do pasivo ambiental derivado dunha saída fóra do planificado”.
E, no caso de querer seguir, o Estado dispón de mecanismos para poderlle axudar economicamente a través de axudas a electrointensivas e outros apoios ou axudas a grandes empresas.
Os populares trasladan a súa sensibilidade coa situación de Alcoa tendo en conta que “hai preto de 2000 postos de traballos directos en xogo e máis doutros tantos indirectos”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
