Santiago de Compostela, 1 de abril de 2024. O deputado mariñá pola provincia de Lugo, José Manuel Balseiro, volverá a presidir a Comisión de Pesca e Marisqueo do Parlamento de Galicia logo da constitución esta mañá dos distintos grupos de traballo da Cámara galega que se conformaron con carácter permanente de cara á XIIª Lexislatura autonómica. O parlamentario lucense tamén formará parte da Comisión de Infraestruturas e de Medio Ambiente e da Comisión de Medio Rural, neste caso, como novidade respecto ao anterior mandato.
Balseiro xa presidiu a Comisión de Pesca e Marisqueo na lexislatura pasada, onde tamén exerceu as portavocías de Emprego e máis recentemente da área de Infraestruturas. Neste caso, a repartición das portavocías de área están aínda pendentes ata a conformación do novo Goberno galego. O parlamentario popular agradeceu a confianza recibida polos seus compañeiros e afirmou que “defender aos homes e mulleres do mar de Galicia é todo un orgullo e un privilexio”
Balseiro é un dos deputados máis veteranos da Cámara galega xa que vén formando parte da mesma desde o ano 2009, co único paréntese da súa elección como delegado territorial da Xunta en Lugo entre 2016 e 2020. Esta experiencia permitiulle ter diversas responsabilidades dentro do Grupo Parlamentario Popular xa que ademais das portavocías citadas tamén foi voceiro de Mar, Montes e Incendios. Ademais no período 2009 a 2016 foi Secretario da Mesa do Parlamento de Galicia.
No ámbito orgánico na actualidade exerce como coordinador xeral e voceiro do Partido Popular na provincia de Lugo. E todas estas tarefas son compatibles coa súa responsabilidade local, xa que logo é concelleiro no municipio no que reside, o concello lucense de Cervo, onde durante anos foi tenente de alcalde e na actualidade delegado de Seguridade Cidadá.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
