Ribadeo, 29 de abril de 2024. O presidente da Confederación Española de Organizacións Empresariais (CEOE), Antonio Garamendi, interveu, a través dun vídeo, na gala da Asociación de Comerciantes, Industriais, Servizos e Autónomos (ACISA) celebrada na noite de onte, domingo, no Parador de Turismo ribadense. Garamendi felicitou a ACISA polo seu 35º aniversario, lembrou os seus vínculos familiares coa vila ribadense, que visita con frecuencia, e destacou a importancia do tecido empresarial da localidade.
Ao comezo do evento interviñeron tamén o deputado responsable da área de Recursos Sostibles na Deputación de Lugo, Fran Cajoto; o conselleiro de Comercio, José González; o alcalde de Ribadeo, Dani Vega; e a presidenta de ACISA, Carmen Cruzado.
Carmen Cruzado destaca hoxe, luns, que “en ACISA estamos muy contentos de recuperar esta gala, que no se celebraba desde el año 2020, y muy satisfechos de haber reunido a 140 personas, la mayoría empresarias y empresarios asociados y empleados de esos negocios, con los que compartimos una velada muy agradable. La de ayer fue la gala más numerosa de las celebradas hasta ahora”.
Tras a cea e antes de pasar ás sobremesas o xerente de ACISA, Jesús Pérez, fixo un balance moi positivo dos logros e resultados alcanzados por este colectivo empresarial nos últimos anos. E a continuación tivo lugar a entrega dos premios por parte dos directivos de ACISA: á substitución xeracional a María Antonia Lens e María Gamallo, de Xeito; a Susana Lombardero e Candelaria Pacheco, de Panadería A Praza e Pastelería A Candelaria, como negocios emblemáticos; e a Vicky Álvarez Lebredo, como Ribadense do Ano 2024. Todas as galardoadas agradeceron moi emocionadas este recoñecemento.
Durante o acto tamén houbo un recordo para todas as directivas que estiveron á fronte de ACISA nestes 35 anos e púidose escoitar unha cuña radiofónica dunha das primeiras campañas promocionais, na que se sorteaba catro viaxes a Mallorca, para dúas parellas asturiana e para outras dúas galegas, audio que conserva o asociado Antonio Andina, a quen a actual directiva agradeceu a achega desa gravación.
O evento foi conducido polo xerente da Asociación de Comerciantes, Industriais, Servizos e Autónomos.
Acisa contou con BeOne e Vitaldent como patrocinadores principais da Gala 2024, á que se uniron tamén como patrocinadores Talleres Cardi, Mariña Asesores e Limpezas Lema. Colaboraron no evento Paradores, Bombones Moreno, Azpilicueta, Viña do Campo e asociación de raza autóctona Porco Celta, xunto á Xunta, Galicia Calidade e Concello de Ribadeo.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
