Participarán 86 equipos dende biberón ata xuvenil que reunirán a 1.032 participantes de toda Galiza, Castela e León, Madrid, Cantabria e Asturias
Lugo, 17 de xuño de 2024. O Pazo de San Marcos acolleu este luns a presentación da XI edición do torneo de fútbol sala base “Heroes do Orzán”, que reunirá na Mariña equipos de base en memoria de Rodrigo Maseda Lozano, policía burelés que perdeu a vida ao intentar rescatar a un mozo na praia coruñesa do Orzán en 2012 xunto a outros dous compañeiros.
O torneo celebrarase do 21 ao 25 de xuño en pavillóns de Burela (Vista Alegre e Monte Castelo), San Cibrao (A Veiga), Xove, Viveiro e Foz (Marzán), unha sede compartida que busca lembrar a Rodrigo Maseda Lozano, así como estender pola comarca a práctica deportiva á vez que impulsa a economía grazas á chegada de acompañantes das xogadoras e xogadores.
O Vicepresidente da Deputación e deputado de Deportes, Efrén Castro, estivo acompañado de Isabel Lozano, nai de Rodrigo Maseda Lozano; o presidente da Fundación Indecum, Marcelino Luna, o director do torneo, Alfonso Mera, o inspector xefe da Comisaría de Viveiro, Roberto Saa, e o xefe Brigada Provincial da Policía Xudicial, Moisés Muñiz. Tamén asistiron a alcaldesa de Burela, Carmela López; o tenente de alcaldesa de Burela, Mario Pillado; o concelleiro de deportes burelao, Carlos Méndez e o presidente de Cruz Vermella Lugo, Luis Abelleira Mayor.
A área de Deportes da Vicepresidencia da Deputación apoia esta cita organizada pola Fundación Indecum. Durante as xornadas agárdase a chegada de 1032 participantes: xogadores, xogadoras e técnicos dos diferentes equipos duns 86 equipos das categorías biberón e prebenxamín mixto e de prebenxamín a xuvenil masculino e feminino. Entre os participantes hai equipos de toda Galiza, así como de Castela León, Madrid, Asturias e Cantabria.
Castro celebrou o éxito desta cita que “ano tras ano atrae a centos de persoas á Mariña arredor do fútbol sala, un deporte que na provincia de Lugo ten unha gran representación e que se converteu nun referente para as pequenas e os pequenos”. Así mesmo, o director do torneo destacou a importancia desta competición en igualdade “xa que conta con representación masculina e feminina en todas as categorías, dende os 4 anos ata os 18, e vólvese unha oportunidade para reivindicar a igualdade de oportunidade entre os máis novos independentemente do xénero”, con 58 equipos mixtos e masculinos e 28 femininos.
A organización xestiona nestes días o aloxamento dos equipos de fóra da comarca, que se hospedarán fundamentalmente en hoteis de Viveiro, Foz, Burela e Barreiros. Á demanda xerada polos participantes súmase a de familiares e acompañantes, que multiplicarán o impacto económico do evento na hostalería da comarca.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
