Ribadeo, 25 de xuño, 2024. Hai uns quince días, o BNG de Ribadeo manifestou a súa ledicia polo feito de que, segundo dicía o alcalde, a Xunta ía asinar un convenio co Concello de Ribadeo polo que ía achegar 700.000€ para realizar as obras de reforma integral do Hospital Asilo. “Con todo, manifestamos que iamos prestar atención para comprobarmos se efectivamente se ía asinar este convenio. Ben nos gustaría confirmalo. Pero a realidade é moi teimuda: o alcalde de Ribadeo faltou á verdade e volveu enganar a todo o pobo de Ribadeo. E non nos merecemos un alcalde mentireiro”.
“A Xunta debería sufragar o cento por cento da obra, pois trátase dunha competencia súa. O goberno da Xunta xa debería ter colaborado coa construción da Residencia de Persoas Maiores de Ribadeo, pero mirou cara a outro lado, pensando máis nos propios intereses do PP que no pobo de Ribadeo. Unha vez máis, o PP desenténdese de Ribadeo, a alcaldía de máis poboación que goberna o PP na provincia de Lugo. No PP galego pensan máis noutros intereses partidarios, ou dunha parte ou familia do partido. Vese que nela non está nin o PP de Ribadeo, nin o alcalde e ex deputado autonómico. Outros pobos, aos que felicitamos, lograron que se asine ese convenio de colaboración para reformaren ou construíren a súa residencia de maiores. A Daniel Vega, que tanto presume de xestión, resísteselle. Non lle fan caso. Tómano por un monicreque no mundo da política municipal galega”.
“Seguiremos presionando para que a Xunta mude de actitude e acabe asinando o convenio de colaboración co Concello de Ribadeo para a reforma integral do Hospital Asilo. Temos que lamentar que cada semana que pasa sen que se asine dito convenio é un tempo perdido. Se puidésemos reconducir o crédito solicitado polo anterior goberno, poderiamos estar emprendendo outras iniciativas que melloraran as condicións de vida das xentes de Ribadeo. Pero así non se pode. O alcalde de Ribadeo queima a súa credibilidade cada vez que anuncia a sinatura dese convenio. Pero en certa medida, ao non ter resultados, tamén queima as posibilidades de dar outro destino a ese crédito. Falar élle moi doado. Ter éxito nas súas xestións, vese que non é o seu”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
