O voceiro popular sinala que aínda que José Tomé, os socialistas e os nacionalistas non o queiran ver o normal é que se a parcela non está adaptada non haxa interesados nela xa que se incrementa o investimento que teñen que realizar para iniciar a actividade
Lugo, 11 de xuño de 2024. A política industrial de PSOE e BNG a fronte da Deputación de Lugo “deixa moito que desexar”. Así de contundentes se amosan os deputados do Grupo Provincial Popular, poñendo como exemplo o polígono industrial de Ourol “abandonado a súa sorte” polo goberno provincial de socialistas e nacionalistas.
Antonio Ameijide recorda que neste proxecto industrial a Deputación de Lugo “aínda non fixo o desmonte das parcelas” polo que “o máis normal é que nesta situación ninguén se interese por asentar o seu proxecto empresarial nesta zona da provincia porque é inasumible ese prezo de venda nesa localización e o coste que ten realizar o desmonte”.
Por este motivo, os deputados populares preguntarán no vindeiro pleno “que ten pensado facer o goberno de socialistas e nacionalistas con esta zona industrial para xa que se este é o seu modelo de impulso industrial é, cando menos, curioso”.
“Socialistas e nacionalistas son o peor inimigo da creación de emprego e do asentamento empresarial e de poboación na nosa provincia”, sentenciou.
SITUACIÓN ACTUAL DO POLÍGONO DE ‘O POUSADOIRO’
Esta zona industrial conta con dúas parcelas “algo, cando menos curioso porque nunca vimos unha zona industrial con só tres parcelas”.
Unha destas parcelas conta cunha nave abandonada, “imaxinamos que cansos de esperar o asentamento doutras iniciativas que axudaran a medrar o polígono e así, entre todos, xerar sinerxias que lles permitisen medrar e ser máis competitivos”.
Unha das parcelas que está a venda no polígono conta cunha extensión de 14.330m2 xa que non se realizaron nin as divisións nin o desmonte. Na actualidade está ateigada de árbores e vexetación, ademais de contar con rochas e penedos de gran tamaño.
“O normal, aínda que José Tomé, os socialistas e os nacionalistas non o queiran ver é que se a parcela non está adaptada é que ninguén se interesase por ela xa que a maiores do investimento para poñer en marcha a súa actividade ten que asumir o desmonte e así ninguén quere iniciar unha actividade”, afirmou.
SISTEMA DE VENDA DAS PARCELAS
O sistema de venda das parcelas aprobado pola Deputación foi o de poxa, unha venda pública na que non houbo interesado algún.
Desde xeito e á vista da acta da xuntanza da mesa de valoración do de 15 febreiro de 2022 e do informe realizado pola Sección de Patrimonio do 18 de febreiro dese mesmo ano, aprobouse en Xunta de Goberno da Deputación, o 11 de marzo de 2022, “declarar deserto o procedemento convocado para o alleamento, mediante poxa, das parcelas de solo industrial, propiedade da Deputación Provincial de Lugo, no Polígono Industrial ‘O Pousadoiro’, no Concello de Ourol ao non recibirse ofertas para concorrer a este procedemento”.
Tras declarar deserta a poxa, a venda segue vixente polo que no caso de que apareza algún interesado na adquisición das parcelas ten que presentar un escrito ante a Deputación informando do interese na compra. Chegado este punto, o prezo das parcelas será o da poxa, aplicándose as condicións de financiación de SUPLUSA (financiación ao interese legal, máximo 5 anos, con pagos mensuais ou trimestrais).
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
