A popular, que ficha pola cooperativa de Armadores de Vigo, considera “imprescindible estar no día a día do pobo para exercer o labor de representante dos veciños de Foz e non só asistir aos plenos”
Foz, 12 de agosto de 2024. A concelleira do PP de Foz Mercedes Rodríguez ficha como xerente adxunta da Cooperativa de Armadores de Vigo e deixa a súa acta porque entende que “non procede continuar como concelleira e viceportavoz do grupo municipal” porque “as obrigas do meu novo posto inclúen o cambio de domicilio e considero imprescindible estar no día a día do pobo para exercer o labor de representante dos veciños de Foz”. Tendo en conta que “dende o Partido Popular de Foz sempre consideramos que o principal é a xestión do día a día”, cre que “non é correcto, ao meu entender, asistir só aos plenos”.
Rodríguez explica que “tomo esta decisión por motivos de traballo. Este cambio non entraba nos meus plans cando tomei posesión fai agora un ano” e incide en que “foi un orgullo ser concelleira en Foz polo Partido Popular e formar parte do grupo de traballo que lidera Javier Castiñeira que terán sempre o meu cariño e o meu apoio”.
Tanto os compañeiros do PP de Foz coma o Partido Popular da provincia somo “coñecedores da valía de Mercedes Rodríguez no persoal e no profesional, especialmente no sector pesqueiro”. Nese sentido, trasládanlle “a mellor das sortes” nesta nova responsabilidade que lle “require unha importante dedicación a unha da cooperativa cunha flota por tódolos mares e que a converte nunha das máis importantes non só de España, senón de Europa ou incluso do mundo”, segundo apunta o portavoz, Javier Castiñeira.
Así mesmo, en nome do PP de Foz amosa o seu “orgullo” porque “Mercedes Rodríguez formara parte da candidatura como número 2 do noso proxecto de goberno no que priorizamos a boa xestión que poden aportar persoas coma ela e que contrasta, precisamente, co modelo que apreciamos por parte do bipartito”.
MIGUEL FERNÁNDEZ INCORPÓRASE COMO CONCELLEIRO
O Grupo Municipal Popular de Foz incorporará a Miguel Fernández, fillo de Pedro Manín -o anterior tenente de alcalde durante o goberno popular-. “Miguel é un rapaz de Cangas moi traballador e que ten o compromiso absoluto con Foz como tivo seu pai e como puido vivir de primeira ma. Para nós é un privilexio contar con el como concelleiro na corporación local”.
O Partido Popular de Foz afronta estes cambios co compromiso e a ilusión de seguir traballando polo noso concello: “o noso proxecto aposta por xestionar e non por deixar pasar as cousas como está facendo o bipartito actualmente”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
