A súa Voceira, Alba Sinde, alerta de que dende o mes de agosto a veciñanza non tivo información ata esta semana sobre a potabilidade da auga, que contiña un alto volume de arsénico, “con información difundida a través de Facebook, algo que non é accesible para todo o mundo, sobre todo para a xente maior”
Castro de Rei, 29 de outubro de 2024. O PSdeG-PSOE de Castro de Rei quere manifestar o seu malestar e preocupación pola falta de transparencia e a deficiente xestión informativa por parte do goberno municipal en relación aos problemas da auga potable no concello, que levan meses afectando á veciñanza e poñendo en risco a súa saúde. Esta semana o Concello avisou de que a auga é potable tras semanas sen información.
O súa Voceira, Alba Sinde, alerta de que desde o pasado mes de agosto, a veciñanza recibiu unha única comunicación oficial onde se recomendaba non consumir a auga durante seis días debido ao alto contido de arsénico detectado. “Esta recomendación non foi posteriormente actualizada nin revogada, ata esta mesma semana, o que levou a moitos veciños e veciñas a retomar o consumo da auga sen saber se esta cumpría ou non os parámetros de seguridade establecidos polas normativas de saúde pública”.
Ante esta falta de información, os socialistas instaron s ao goberno local no pleno de agosto a que mellorase o sistema de comunicación co público. “Esiximos que se notificase a situación de forma efectiva e accesible para todas as persoas, máis aló dunha publicación nas redes sociais, que non é suficiente para chegar a toda a poboación, especialmente á máis vulnerable, as persoas maiores. A resposta do equipo de goberno foi que, ao tratarse dunha recomendación e non dunha prohibición, a difusión por Facebook era o método máis rápido, e que informar casa por casa era innecesario”, detalla Sinde.
“É intolerable que teñamos que enterarnos través dos medios que a auga continuaba sendo non apta para o consumo, unha comunicación que chegou sen ningún outro aviso directo, mantendo aos cidadáns desinformados e creando unha perigosa confusión”, alerta, ao tempo que indica que agora deron información da potabilidade da auga, “pero a información chega tarde, mal e xerando dúbidas na xente”.
Os Socialistas de Castro de Rei “non podemos tolerar esta actitude de opacidade e desleixo por parte do goberno local, que actúa cunha clara falta de responsabilidade e respecto cara aos cidadáns que serve”. Denuncian que esta xestión ineficaz da información pretende ocultar a magnitude do problema para evitar as críticas, en vez de poñer en marcha medidas que poidan garantir a seguridade sanitaria da veciñanza.
Desde o PSdeG-PSOE de Castro de Rei esíxenlle ao goberno local que asuma a súa responsabilidade e actúe con transparencia e eficacia. “A saúde da veciñanza debe ser unha prioridade, e demandamos unha solución real e sostible ao problema da auga en Castro de Rei, que non pase por pospoñer inversións fundamentais, senón por acometelas con urxencia para garantir a calidade e seguridade da auga”.
Sinde é clara e di que é o momento de que “se escoite á cidadanía e se actúe sen escusas. Non podemos permitir que a saúde pública sexa ignorada en beneficio da inacción”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
