José Tomé asinou coa vicepresidenta do colectivo un acordo a través do que a institución provincial destina 7.000€ para este programa que se desenvolve en Ribadeo, Foz, Burela, Viveiro e nos domicilios, e que inclúe fisioterapia e atención psicolóxica
Lugo, 5 de novembro de 2024. O Presidente da Deputación, José Tomé, e a vicepresidenta de COGAMI A Mariña, María Josefa Castaño, renovaron no Pazo de San Marcos un acordo de colaboración a través do que a institución provincial reafirma o seu compromiso co apoio á inclusión e benestar das persoas con discapacidade na comarca da Mariña, a través dunha achega de 7.000 euros.
Tomé Roca explicou que esta contribución permite que se poida desenvolver un proxecto de rehabilitación física e emocional dirixido a mellorar a calidade de vida e o benestar integral das persoas con discapacidade e das súas familias. O programa estrutúrase en torno a dous grandes obxectivos: primeiro, apoiar a superación das dificultades detectadas e demandadas polas persoas con discapacidade física e as súas familias; e segundo, ofrecer un tratamento integral que considere cada persoa no seu conxunto, abordando as súas necesidades físicas, emocionais e sociais.
As actividades do proxecto inclúen servizos de fisioterapia, tanto en clínica como a domicilio para as persoas con dificultades de desprazamento, e atención psicolóxica, ofrecendo así un apoio continuo e personalizado. Estas intervencións non só benefician directamente ás persoas con discapacidade, senón que tamén ofrecen soporte aos coidadores e familiares, implicando a un total de 60 persoas na iniciativa.
O programa desenvólvese en varias localidades da Mariña, como Ribadeo, Foz, Burela e Viveiro, garantindo que os servizos cheguen de forma accesible e adaptada ás necesidades de cada persoa.
Grazas á colaboración coa Deputación de Lugo, Cogami A Mariña continúa avanzando na súa misión de promover a autonomía e mellorar a calidade de vida das persoas con discapacidade, contribuíndo así á construción dunha sociedade máis inclusiva e solidaria.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
