O prazo ficará aberto ata o día 20 de xaneiro
Viveiro, 23 de decembro de 2024. A Tenencia de Alcaldía de Viveiro anuncia que xa se poden presentar ofertas para alugar o edificio municipal situado no Parque Pernas Peón, en Covas.
Xa está aberto, ata o día 20 de xaneiro, o prazo de presentación de ofertas para o contrato de arrendamento. O expediente, identificado co número 8353/2024, está dispoñible na Plataforma de Contratación do Sector Público.
A tenenta de alcaldesa e concelleira de Parques, Miriam Bermúdez, sinala que “esta licitación se enmarca dentro do compromiso da Tenencia de Alcaldía de revitalizar o Parque Pernas Peón”.
“Queremos destacar a gran oportunidade que supón alugar este edificio para dinamizar a zona e promover un uso sostible e rendible do mesmo, ao mesmo tempo que se garante a súa conservación”, engade.
O inmoble, clasificado como ben patrimonial, está destinado ao uso como restaurante, bar ou cafetería, segundo as actividades permitidas pola normativa vixente.
As persoas interesadas poden consultar os requisitos e condicións a través deste enlace: https://contrataciondelestado.es/wps/portal/!ut/p/b1/jc65DoJAEIDhJyIze7BCidwEBUVQtiFbGIPhaIzP72JoXZxuku_PDEhoLcKJQygyl8MN5KTe_UO9-nlSw7JL0fGw8P0ooehULECaB3UtkmWlGrQGEFNjH9trbzOfN1lTiiqNEdMkCvKa2DoX__X4Yzzc6q8gzYSuwPTiFxh-OCbzeIdWs13nNeHJS12Gxf6sD2Xl4VLGlCByuEAbbCmxqBBGOUSRmz65stQHCB9yzQ!!/
Poderase solicitar unha visita poñéndose en contacto co Concello de Viveiro no teléfono 982 560 128. Para máis información, as persoas interesadas poden dirixirse ao Departamento de Contratación do Concello.
Duración e importe do contrato
A duración do contrato de arrendamento establécese en 15 anos, computados desde a súa formalización. Non obstante, no caso de solicitar un período de carencia para a execución das obras de adecuación, este non computará dentro do prazo total do contrato.
O importe mínimo de licitación mensual será de 883,62 euros, IVA excluído. Con IVA incluído, o importe ascende a 1.069,18 euros. As ofertas económicas poderán mellorar este importe ao alza.
Obras de accesibilidade
O Concello prevé a realización de obras para mellorar a accesibilidade da edificación. Estas poderán executarse segundo o proxecto elaborado por Kenda Urbanismo Enxeñaría e Territorio S.L. en marzo de 2024, cun orzamento de execución material de 45.730,86 euros, ou mediante outra solución técnica viable desde un punto de vista urbanístico.
O importe destas obras, ata o límite mencionado, descontarase das mensualidades que o adxudicatario deba aboar ao Concello. Este desconto realizarase previa presentación da factura e xustificante de pagamento pola empresa que execute as obras, garantindo así que o investimento non supón un impacto financeiro adicional para o adxudicatario.
Detalles do inmoble
O edificio municipal, localizado en Covas e identificado coa referencia catastral 2962301PJ1326S0001SX, conta cunha superficie útil total de 157 m2.
Zona dedicada a bar: 55,00 m2
Zona comedor: 47,00 m2
Zona de cociña: 18,00 m2
Aseos: 7,00 m2
Almacén en planta baixa: 30,00 m2
Terraza: 163,00 m2
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
