O conselleiro do Mar puxo en valor que nos vindeiros meses está prevista a reparación do porto de descarga do Vicedo así como as obras de mellora e acondicionamento dos departamentos para armadores do porto de San Cibrao
Viveiro, 18 de febreiro de 2025. O conselleiro do Mar, Alfonso Villares, mantivo un encontro cos patróns maiores das confrarías da Mariña lucense para abordar as necesidades do sector pesqueiro e dar conta das actuacións que se están desenvolvendo desde o Goberno galego no deseño e execución de actuacións concretas. Así, resaltou a importancia de celebrar este tipo de xuntanzas que serven para reforzar o diálogo e estreitar a colaboración entre a Administración autonómica e os pósitos en beneficio dos profesionais do mar.
O titular de Mar, acompañado pola directora xeral de Desenvolvemento Pesqueiro, Marta Villaverde, puxo en valor que nos vindeiros meses está prevista a reparación do porto de descarga do Vicedo así como o inicio das obras de mellora e acondicionamento dos departamentos para armadores do porto de San Cibrao que supón un investimento de 375 mil euros. Ademais, en primaveira e en función da climatoloxía acometerase a renovación do alumeado e dotación de LED no porto de Celeiro por valor de 120 mil euros e a finais de ano dará inicio a obra de urbanización da fachada marítima na contorna da oficina portuaria e os departamentos de armadores no que a Xunta investirá 300 mil euros.
Tamén informou que a redacción e licitación do proxecto de reforzo exterior do dique da dársena norte do porto de Celeiro está pendente do informe de Costas do Estado desde agosto do 2022. Por outra banda, resaltou a presentación de proxectos por parte das confrarías ao abeiro da orde de axudas para equipamentos portuarios que permitirá afondar na competitividade e sostibilidade da actividade pesqueira na Mariña lucense e manifestou a vontade do departamento autonómico de traballar na procura fórmulas que permitan ampliar a oferta de cursos de formación para os profesionais como así o demandan desde o propio sector.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
