Preto de 90 persoas participaron no curso 2024-2025, unha iniciativa para o envellecemento activo
Barreiros, 20 de xuño de 2025. O Concello de Barreiros organizou onte unha comida no local social de San Xusto como acto de clausura do programa ActivaMente, que pecha así unha nova edición cunha elevada participación.
A alcaldesa de Barreiros, Ana Ermida, destacou que “este ano, novamente, superouse o número de persoas inscritas con respecto a outros anos, polo que vese que é un programa que gusta e que está moi ben valorado polas persoas que toman parte no mesmo”. A rexedora estivo acompañada pola totalidade do equipo de goberno municipal.
O programa Activamente, impulsado polo Concello de Barreiros, deu comezo no pasado mes de outubro e contou con preto de 90 persoas inscritas. Trátase dun programa dirixido a persoas maiores de 65 anos, así como a persoas xubiladas de máis de 60 anos ou con discapacidade que ten como obxectivo fomentar un envellecemento activo a través de actividades cognitivas.
Neste curso, os talleres desenvolvéronse en diferentes puntos do municipio barreirense, con grupos en San Xusto, Cabarcos, San Miguel e dous grupos en San Cosme.
As persoas participantes quixeron facer unha mención especial á “súa profe”, a educadora familiar, Vanesa Fernandez, como agradecemento ao seu bo facer na impartición dos obradoiros e a orixinalidade das propostas feitas ao longo de todo o curso.
O Concello de Barreiros reafirma así o seu compromiso con políticas activas de benestar para a poboación maior, promovendo espazos de encontro, aprendizaxe e coidado da saúde.
Esta medida afecta ao tramo comprendido entre a antiga Conserveira e o Pósito, co obxectivo de garantir a seguridade viaria e facilitar a circulación, xa que durante este período o vial quedará habilitado en dobre sentido de circulación. A Policía Local agradece a colaboración cidadá e lembra que, para máis información, poden contactar no teléfono 982 562 922.
Os usuarios da piscina poderán acceder á instalación por Lavandeiras, pola Escola de Idiomas. Para chegar, poden tomar a estrada LU-862 e baixar pola rúa Lavandeiras, onde se atopa a gasolineira de Celeiro.
Tanto o Folgueiro League coma o Folgueiro League Baby desputaranse os días 12 e 13 de xullo.
A sala quedou pequena na tarde do mércores 18 de xuño para acoller a presentación do libro "Escultor y proyectista José Otero Gorrita. Entre Santiago de Compostela y Viveiro", obra de José Luis Otero González. O acto reuniu un numeroso público interesado en coñecer a figura e traxectoria deste artista fundamental na historia da escultura galega. A presentación contou coa intervención do autor, que afondou na vida e obra do seu avó José Otero Gorrita, así como coa participación de Felipe-Senén López Gómez, Francisco Javier Martínez Prieto e José Veiga Golpe quen destacaron o valor documental e artístico do traballo presentado. O ambiente foi de grande interese nun acto que serviu tamén para reivindicar a memoria do historiador de Viveiro Carlos Adrán Goás.
Xebra fecha o curso por todo o alto, con Séchu Sende presentando este sábado, 21 de xuño, ás 20 horas 'O povo improvisador', re-editado por Através Editora. Conducirá o acto o investigador Xian Naia. A atividade chega a Burela cunha festa itinerante, o Regueifatour que aterra no local de Xebra cun espetáculo de improvisación oral.
O encontro está organizado polo motoclub A Cadeira, de recente creación. Unha das citas máis esperadas será a exhibición acrobática do piloto profesional Emilio Zamora, que terá lugar a partir das 19.30 horas do sábado no parque de San Roque. Tamén se ofrece un simulador de pilotaxe de moto GP, música en directo ou unha ruta turística o domingo pola mañá. Habilitarase ademais unha zona de acampada exterior e interior.
