Dificultoso clásico para un Burela errático que as penaliza nos primeiros 25 minutos, logrando manterse nos últimos 15
Burela, 4 de outubro, 2025. O gran clásico do futsal feminino español, un encontro entre dous eternos rivais, tivo lugar esta tarde de sábado en La Estación de Navalcarnero. O xove Burela, coa reincorporación de Gabi, que aínda non xogara dende a primeira xornada desde a que carrexa unha aparatosa lesión nas cervicais, tívose que enfrontar a un veterano e moi físico Futsi, aínda que cunha plantilla curta, na súa cancha, cun resultado final 9-3. Dominio claro das locais durante todo o partido no que ás mariñás custoulles moito crear oportunidades. Un Burela achicado durante os primeiros 25 minutos tivo bos momentos durante os últimos 15, nos que a pesar dun doloroso inicio da segunda parte, encaixando 4 goles nos primeiros minutos, logran manter o marcador e anotar un gol no que queda de encontro.
Arrinca o encontro ás 18.00h e comeza moi cómodo o partido para o Futsi, sen presión do Burela con varias paradas de Ana Eliza no primeiro minuto, ata que chega o gol no mesmo minuto 1, Irene Córdoba remata un saque de esquina desde a frontal aproveitando un desaxuste defensivo do Burela. Primeira opción do conxunto laranxa no minuto 4 no que Cris Blanco roza o segundo pau nun disparo cruzado. Tras un pau das locais, Silvia Rubal logra o empate, recuperando o balón a media cancha, chegando soa a portería e coándolla entre as pernas a Marta Balbuena. Paradón de Ana Eliza a un disparo raso de Ari no 8 e chega o segundo das locais, un disparo cruzado de Laura Córdoba desde a área tras un pase de Leninha. Dispara Luchi no 10 despexando Ana Eliza a córner e chega o terceiro nunha perda en propia cancha das visitantes que aproveita Laura Córdoba anotando desde a área. Sálvaa Marta Balbuena tras outra recuperación de Silvia e non chega Gabi a rematar unha deixada da capitá tras un bo pase longo de Cris Blanco. Chega o 4-1 no minuto 15, un golazo de María Sanz que se vai da defensa burelense e anota cun disparo moi escorado ao segundo pau. Pau de Luchi no 17 e tempo morto para o Burela, que sae con xogo de 5, con Lara de porteira-xogadora, e que salva o quinto tras unha perda moi perigosa do conxunto mariñán na primeira presión. Primeira falta do partido no minuto 18 e a lanza Laura Córdoba cun potente disparo que salva Ana Eliza sacándoa por encima da portería. Chega o quinto, o triplete de Laura Córdoba que aproveita un balón ao pau de Eli e no último minuto deste primeiro tempo consegue o segundo o Burela, un gol en propia porta de Laura Córdoba que se tropeza co balón rematando un disparo de Silvia Rubal.
Segunda parte dolorosa para o Burela que encaixa 4 goles nos primeiros 4 minutos, dous no primeiro, un de Irene Córdoba dende a frontal, o segundo de María Sanz tras un balón ao pau que recolle e lle coloca Irene Córdoba e dous de Ari, o primeiro cun disparo frontal raso e o segundo rematando desde a área un pase de María Sanz. Sae con xogo de 5 o Burela, con Irene de porteira-xogadora, case a ten Lara no minuto 25 e logran manterse durante algúns minutos na área rival. Sálvaa Sandra nunha chegada de Martita pola banda e despexa Bea un disparo escorado da burelense na seguinte xogada. Non chega Eli a rematar un balón ao segundo pau de María Sanz no 31 e lánzaa por encima do traveseiro Martita na seguinte xogada. Recupéraa Silvia Rubal no 38 pero non logran entenderse Mara e Laura Barranco que acaba lanzándoa moi lonxe da meta madrileña. Volve a recuperala a capitá que corre pola banda e dispara ao primeiro pau, pero despéxaa Bea a córner. Paradón de Lola que salva un remate de Rocío nunha boa combinación con Leninha. Volven ao xogo de 5 as de Belén Feal e consegue anotar o terceiro Lara, que recibe por dentro sorprendendo á defensa madrileña e anotando cun disparo frontal desde o bordo da área. Grandísima intervención de Lola que salva en dous tempos dous disparos consecutivos de Eli no minuto 38 e outras dúas no 39, un disparo de Martita que desvía coa man e un dobre penalti na sexta falta do Burela. Remata fóra Lara buscando o pau longo e volve tentalo Sandra atopándose con Bea a 12 segundos do asubío final. De novo dobre penalti para o Futsi tras a sétima falta do Burela e volve despexala Lola, o que será a última ocasión do partido.
Ficha Técnica Futsi Atlético Navalcarnero 9-3 CD Burela FS
Futsi (9): Marta Balbuena; Ari, Laura, Irene, María Sanz -quinteto inicial-, Leninha, Luchi, Rivera, Eli, Bea (P), Martita, Rocío.
Burela FS (3): Ana Eliza; Cris Blanco, Silvia Rubal (C), Lara, Irene -quinteto inicial-, Laura Barranco, Gabi, Sandra, Marina, Lola (P), Mara.
Goles: 1-0, min. 1: Irene Córdoba. 1-1, min. 4: Silvia Rubal. 2-1, min. 7: Laura Córdoba. 3-1, min. 11: Laura Córdoba. 4-1, min. 15: María Sanz. 5-1, min. 19: Laura Córdoba. 5-2, min. 20: Laura Córdoba (PP). 6-2, min. 21: Irene Córdoba. 7-2, min. 21: María Sanz. 8-2, min. 23: Ari. 9-2, min. 24: Ari. 9-3, min. 36: Lara.
Árbitros: Judith Fraiz, Jorge Moreno e David Sánchez
Incidencias: Viron tarxeta amarela, por parte do equipo visitante, Sandra.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
