Alfoz e Valadouro, 4 de outubro do 2025. Hoxe celebrouse a IV Carreira Valadouro–Alfoz, unha proba que volveu reunir a centos de corredores e afeccionados ao deporte nun ambiente festivo e de convivencia entre ambos concellos. A carreira, organizada conxuntamente polos Concello do Valadouro e Concello de Alfoz, forma parte do circuíto Tour Mariña e contou con diferentes categorías, tanto infantís como absolutas.
Na entrega de premios estiveron presentes Manono Cadramón, xefe dos Servizos Provinciais de Deportes da Xunta de Galicia; Dani García, deputado provincial de Mocidade; Efigenia Maseda, alcaldesa de Alfoz; José Manuel Lamela, alcalde do Valadouro; e os concelleiros de Deportes, Eliseo Lorenzo (Alfoz) e Ana Rubal (Valadouro).
Os participantes percorreron un circuíto que uniu as dúas vilas nun entorno natural incomparable, con saída dende O Valadouro e meta en Alfoz, poñendo en valor a colaboración intermunicipal e a promoción do deporte como ferramenta de cohesión social.
No podio masculino, o triunfo foi para Álvaro Pico Fernández seguido de Adrián Paz Castro e Diego Blanco.
Na categoría feminina, impúxose Lourdes López Villar, completando o podio Sonia Geada Eiroá e Leticia Teijeiro Pernas.
Tanto a organización como as autoridades asistentes destacaron a excelente participación e o ambiente deportivo e familiar que se viviu ao longo da xornada. A alcaldesa de Alfoz, Efigenia Maseda, subliñou “a importancia de seguir impulsando actividades que fomenten hábitos de vida saudables e que, ao mesmo tempo, sirvan para unir dous concellos irmáns”. Pola súa banda, o alcalde do Valadouro, José Manuel Lamela, agradeceu “a implicación do voluntariado e do persoal que fixo posible o desenvolvemento desta carreira xa consolidada”.
A IV Carreira Valadouro–Alfoz contou coa colaboración da Deputación de Lugo, a Xunta de Galicia, o Tour Mariña e dúas foodtracks da campaña Galicia sabe Amar, así como con numerosos patrocinadores locais que contribuíron ao éxito desta nova edición.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
