A actuación permitirá crear 20 locais nun edificio de 351,20 metros cadrados cun investimento de 123.237,96, financiado pola Deputación de Lugo euros
Burela, 2 de outubro de 2025. O Concello de Burela iniciou este martes as obras de reforma das antigas vivendas dos profesores co obxectivo de habilitar estes espazos para o uso das asociacións do municipio.
O edificio está formado por catro antigas vivendas de profesorado, das que xa se viñan utilizando algúns espazos por parte de asociacións como a ANPA do CEIP Os Castros ou a Asociación Raíces Peruanas. Pola contra, o inmoble atopábase “nun estado que facía necesaria unha reforma integral para adaptalo de maneira adecuada ao seu uso social”, segundo explicou o concelleiro de Obras, Ramiro Fernández Rey.
As vivendas, que orixinariamente contaban con tres dormitorios, un baño, salón comedor e cociña, serán transformadas en vinte locais sociais que se destinarán tanto ás entidades que xa estaban instaladas como a outras que o soliciten. En total, acondicionarase unha superficie construída de 351,20 metros cadrados.
O proxecto contempla a retirada das carpinterías exteriores e interiores, a demolición dos aseos e cociñas actuais, a limpeza e pulido dos solos da terraza, a reposición dos pavimentos dos baños, a instalación de novas carpinterías de PVC e varandas de aluminio, a renovación da instalación eléctrica, o pintado integral dos espazos, a execución dunha soleira exterior que permita o acceso a persoas con mobilidade reducida e a mellora da impermeabilización para eliminar humidades, entre outras accións. O orzamento total da actuación será de 123.237,96 euros financiado pola Deputación de Lugo.
A alcaldesa de Burela, Carmela López, explicou que o seu obxectivo é que “as asociacións conten con espazos dignos, accesibles e seguros para reunirse e traballar” e engadiu que “estas obras tamén son un exemplo de como recuperar e darlle nova vida a edificios municipais que estaban sendo pouco aproveitados, converténdoos en recursos útiles para a veciñanza”.
Ramiro Fernández Rey, destacou que esta actuación “supón un paso importante para que as asociacións dispoñan de locais en condicións axeitadas e poidan desenvolver a súa actividade do mellor xeito posible”, ao tempo que reafirmou o compromiso do Concello de Burela en “apoiar e facilitar o labor do tecido asociativo local”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
