Os populares cren que “este abandono é fiel reflexo da xestión socialista nos últimos 7 anos” e urxen a “tomar medidas” para garantir a seguridade no recinto e a prestación de servizos
Vilalba, 16 de setembro de 2026. O PP de Vilalba incide en denunciar a falta de mantemento das infraestruturas deportivas de titularidade municipal por parte do goberno de PSOE e Vilalba Aberta que dirixe Marta Rouco.
Os concelleiros do Partido Popular advirten do “lamentable” estado das instalacións deportivas do campo de herba artificial da Madalena que son “un fiel reflexo da xestión socialista nos últimos 7 anos á fronte do Concello”.
Concretamente, consideran “irrisorio” que o subministro eléctrico destas instalacións se estea a prestar cun xenerador, o que deriva “na falta de auga quente nos vestiarios deste campo de fútbol dende fai meses”. Ademais, “non se realizou ningún tipo de traballo de roza ou poda” de forma que “as matogueiras invaden as zonas de acceso e tapan os focos”. É dicir, “hai problemas de accesibilidade e de iluminación pola deixadez do goberno local”. Así mesmo, os populares engaden que “o céspede está levantado e descoidado nalgunhas zonas, hai madeiras rotas e o estado dos vestiarios é “deplorable”.
“A pesar de que fai uns días a alcaldesa presumía de mellorar as instalacións, parece que se esqueceu que o campo de fútbol de céspede artificial de Vilalba tamén é competencia do Concello”, apuntan.
Os concelleiros do PP lembran que “levan anos sen realizar ningún tipo de mantemento nos vestiarios” de forma que “o seu deterioro vai a peor”. De feito, os populares xa advertiran do seu mal estado en maio do ano pasado “sen que o goberno local tomara ningún tipo de medidas para a súa conservación”.
Os populares lembran que, nos últimos anos, “sucedéronse os incidentes nas instalacións deportivas do Concello -xa fora no estadio da Madalena, nos vestiarios ou no pavillón municipal- debido “á falta de mantemento por parte do goberno municipal”.
Dende o PP subliñan o seu apoio ao deporte local e afean que “este goberno non sexa capaz de manter unhas instalacións das que os vilalbeses estabamos moi orgullosos”.
Os popular urxen ao goberno de PSOE e Vilalba Aberta a adoptar as medidas necesarias para manter en boas condicións as instalacións deportivas e, neste caso, garantir a seguridade nas distintas zonas do recinto e o subministro de auga quente nos vestiarios do campo de céspede artificial.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
