O delegado territorial de Lugo, Alfonso Villares, destacou as actuacións do Goberno galego no municipio durante unha xuntanza co alcalde, Carlos López
A Fonsagrada, 15 de setembro de 2026. A Xunta de Galicia rematou a construción dunha glorieta e o acondicionamento do acceso á Fonsagrada na estrada autonómica LU-530, na confluencia coas vías LU-730 e LU-740, que supuxo un investimento de 223.000 euros.
O delegado territorial de Lugo, Alfonso Villares, comprobou hoxe o resultado dos traballos que, segundo afirmou, “serviron para mellorar tanto a seguridade viaria como a estética desta zona, que asume un considerable volume de tráfico e está na traza do Camiño Primitivo”.
Villares tamén mantivo unha xuntanza institucional co alcalde, Carlos López, na que destacou que esta actuación terá continuidade co proxecto de humanización da LU-730 mediante o convenio polo que o Goberno galego financia as obras, con preto de 200.000 euros, e cede ao concello a titularidade da vía, que se corresponde coa rúa Maior do núcleo urbano.
A intervención na rotonda xa implicou a reforma do ramal de acceso nos primeiros metros da LU-730, incorporando beirarrúas, cinco prazas de aparcamento e iluminación LED. Ademais, durante a primeira fase das obras, o Goberno galego colaborou na renovación da rede de abastecemento e saneamento municipal.
A glorieta ten un diámetro exterior de 30 metros, con beirarrúas, e a parte central conta con céspede artificial, unha columna de iluminación con catro proxectores LED e letras decorativas luminosas a modo de benvida á vila.
Outros investimentos
No ámbito das infraestruturas, Alfonso Villares referiuse ademais ao orzamento destinado á mellora de pistas de titularidade municipal a través do Plan Camiña Rural, que suma 226.700 euros nas convocatorias do 2025 e 2026.
Igualmente, lembrou que o concello foi beneficiario dunha axuda de máis de 93.000 euros da liña non competitiva do Fondo de Compensación Ambiental para acometer labores no saneamento de augas de escorrenta pluvial na Airexa e para a adquisición de equipamento, e tamén dunha achega de 15.000 euros para tarefas de mantemento das rutas de Gallol e Pena Guímara.
No que respecta aos servizos sociais, sinalou que a Consellería de Política Social e Igualdade destinará nesta lexislatura 3,1 millóns de euros a financiar o Servizo de Axuda no Fogar no municipio.
Por último, no tocante á promoción do emprego, destacou a implantación na localidade dun dos cinco Polos de Emprendemento da provincia de Lugo, que dá servizo á comarcas de Meira, A Fonsagrada, Os Ancares e ao concello de A Pontenova. Ofrece asesoramento individualizado e gratuíto ás persoas que buscan iniciar unha actividade ou dar continuidade e consolidar un negocio xa existente.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
