A ala-peche canteirá, que debutou na máxima categoría con 15 anos, regresa á Primeira Iberdrola “con moitas ganas e ilusión”
Burela, 28 de xullo, 2025. Cris Blanco tamén se apunta ao novo proxecto do Burela FS feminino na Primeira Iberdrola. A ala-peche destra canteirá, que debutou na máxima categoría con 15 anos e xa estivo na dinámica do primeiro equipo na campaña 2023/2024, únese a Silvia Rubal e sobe desde o filial para achegar “moitas ganas e ilusión”. Destaca por ser intelixente tanto á hora de defender como de tomar decisións co balón nos pés. Xunto á propia Silvia foi unha das referentes o pasado curso co filial burelista en Preferente Futgal, onde anotou 24 goles en 27 partidos e colaborou activamente na quinta praza lograda polo equipo.
Na súa presentación como nova xogadora do primeiro equipo estivo acompañada por Yolanda Álvarez Carro, tesoureira do club, que lle deu a benvida de novo ao conxunto de Primeira División, agradeceulle a súa aposta polo club e desexoulle a mellor das sortes e moitos éxitos na tempada que está a piques de comezar.
Cristina Blanco Basanta (Burela, 04/05/2001) poñerase ás ordes de Belén Feal na máxima categoría despois unha traxectoria que iniciou con catro anos na estrutura da entidade laranxa e que seguiu cun paso polas categorías de formación do Ribadeo FS, entre os 12 e os 14 anos, desde onde regresou aínda moi novo para enrolarse no filial do Burela FS e debutar con 15 anos no primeiro equipo. Posteriormente, con 19, marchou dúas campañas ao Viaxes Amarelle B e desde o club coruñés recrutouna Jairo Campo no verán do 2023 para integrarse no novo filial burelista. As súas boas actuacións en Primeira Autonómica, onde acumulou 15 goles nas primeiras 12 xornadas, chamaron rapidamente a atención dun Julio Delgado que, diante dalgunhas baixas no primeiro equipo, introduciuna na dinámica do mesmo en xaneiro, quedando xa ata final de tempada. Deste xeito, tivo oportunidades en Liga, estreándose como goleadora contra o Leganés a domicilio, nunha vitoria por 1-5, e tamén participou nas fases finais da Supercopa en Torremolinos (Málaga), que se saldou con título para as burelistas, e a Copa da Raíña en Alhaurín de la Torre (Málaga). Ademais, neste tempo de novo de laranxa, Cris tamén se implicou nas categorías inferiores dirixindo a equipos benjamines e alevíns. Na súa terceira campaña seguida no Burela FS nesta etapa, con 24 anos, ábrenselle as portas do primeiro equipo para ser unha máis desde o primeiro día.
A futbolista mariñá é consciente de que teñen un reto moi importante por diante. “Será unha tempada difícil, pero asúmoa como un reto moi bonito e ilusionante; facer ver que o club sempre será un dos grandes deste deporte é un obxectivo moi ambicioso e especial”, apunta. “Será un proxecto de xogadoras moi novas, pero con certa experiencia, no que non van faltar as ganas e a ilusión e que seguro que loitará para seguir dando alegrías ao club e á afección”, engade.
Cris considera que as oportunidades que tivo no pasado no primeiro equipo serviranlle de moita axuda neste curso. “Creo que se verá unha xogadora con bastante aprendido e vivido logo de pasar pola categoría, cos obxectivos claros e ganas de contribuír moito e ben”, sinala. A ala-peche de Burela ten claro que pode aportar ao conxunto que dirixirá Belén Feal. “Espero poder achegar seguridade e calidade no xogo, ademais de axudar a ter un moi bo ambiente no vestiario”, comenta.
A nova xogadora do primeiro equipo valora “a sorte que tiven dende pequena de vivir o fútbol sala como afeccionada e xogadora, e considero que é un gran privilexio contar cun deporte tan bonito e de tan alto nivel tanto na vila como na comarca”, afirma. Así mesmo, diríxese á afección, á que agradece todo o que teñen aportado nas últimas tempadas. “Levan anos demostrando co seu apoio que son como unha xogadora máis, nos bos e sobre todo nos malos momentos. Só me queda darlles as grazas por toda a confianza que nos aportan e dicir que todas xuntas conseguiremos facer unha boa tempada para devolver todo o que nos dan”, conclúe Cris.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
