Foz, 1 de xullo de 2025. O Concello de Foz informa que este mércores, día 2 de xullo, entra en funcionamento a nova reordenación de tráfico na rúa Sarria e no entorno da Rapadoira. Coa guía do Plan de Mobilidade elaborado na anterior lexislatura, o Concello de Foz está traballando no arranxo de distintas rúas, adaptándoas ás normativas de mobilidade e accesibilidade.
O alcalde, Fran Cajoto, explica que “Foz precisa investimento. A comezos do ano 2023 inauguramos a urbanización da Costa do Castro, a subida ao cemiterio, que pasou de ser un camiño a unha rúa segura. En Corporacións, grazas á inversión da Deputación de Lugo, dispoñemos dun firme axeitado, un paso peonil a carón do campo de fútbol, pasos de peóns ben sinalizados e máis prazas de estacionamento. A gran cantidade de xente que pasea a diario pola zona da Rapadoira pode facelo agora con máis seguridade, grazas á nova beirarrúa, aos novos pasos de peóns e a un único sentido único e cómodo de circulación para os vehículos”.
As rúas que mudan a súa configuración son as seguintes:
-Rúa Trapero Pardo, que pasa a ser de sentido único dirección Rapadoira.
-Rúa Alfredo Brañas, que pasa a ser de sentido único dirección Burela
-Paseo de Colón -Rapadoira-, que pasa a ser de sentido único dirección Llas
-Rúa Sarria, que entre Corporacións e Uxío Novoneyra pasa a contar con sentido único dirección as Torres
-Rúa Uxío Novoneyra, que pasa a ser de sentido único dirección Atalaia
-Rúa Atalaia, que conta con sentido único hacia Corporacións e hacia As Torres desde Uxío Novoneyra
-Rúa Cervo, que muda de sentido, hacia as Casas Baratas
O alcalde indica que “queda pendente de modificar os sentidos en Eduardo Pondal e Alfonso X. Unha vez estean rematadas as obras das Casas Baratas vai a ser moito máis sinxelo dirixirnos desde a Rapadoira ao centro de Foz. Cando estas dúas rúas teñan o seu sentido definitivo poderemos percibir a gran mellora na circulación dentro do casco urbano: iso será en outono deste ano 2025”.
O rexedor municipal tamén anuncia que, despois dun proceso de licitación aberto, a mesa de contratación propuxo a adxudicación por case 100.000 euros das obras de mellora das rúas Alfredo Brañas e Alfonso X a Construcciones Cazás SL, que comezarán no mes de setembro.
O 112 Galicia recibiu o aviso ás 5:30 horas desta madrugada de martes. Cando sucedeu o accidente, a vítima estaba a traballar no servizo de recollida de lixo, na Rúa da Igrexa, en Ourol. Alí acudiu unha dotación de Urxencias Sanitarias de Galicia-061, quen deu a voz de alerta. Sen embargo, nada puido facerse por este traballador, do que avanzaban quedou inconsciente tras a caída do camión da recollida do lixo. Para apoiar as labores do equipo médico, desde o 112 Galicia, solicitouse a intervención dos axentes da Garda Civil e dos voluntarios de Protección Civil de Ourol.
O cambio de emprazamento débese á celebración do Mercado Renacentista.
No acto estiveron acompañados das súas familias e das titoras, Vanesa e María Julia. “A partir de setembro afrontan a última etapa no Colexio Sagrado Corazón, espéranos novos coñecementos e experiencias. Moita sorte”, dixo a directora do centro, Begoña Sanjurjo.
Centos de persoas seguiron ao traballo das aloitadoras e aloitadores para rapar e identificar os cabalos baixados do monte dentro do curro, unha tradición que as ganderías de Santa María Maior manteñen xeración tras xeración. A xornada acolleu tamen unha degustación de hamburguesas de carne de poldro de Pura Raza Galega, encadrada dentro do programa de promoción de produtos de razas autóctonas Un gusto de rural, un rural degusto.
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
