Lugo, 6 de outubro. Xabier Díaz e Adufeiras de Salitre encheron o campo da festa de San Miguel de Reinante, en Barreiros, de música e baile, cun concerto incluído no ciclo Polavilas no paraíso da Vicepresidencia da Deputación de Lugo.
A presenza de Iria Penabad, integrante barreirense das Adufeiras, e a presenza das pandereteiras da agrupación local O Arco da Vella, que interpretaron pezas propias no escenario, sumaron emotividade e complicidade co público ao concerto, durante a sesión vermú das festas de San Miguel.
O deputado de Mocidade Daniel García destacou “a importancia de promover actuacións de música galega en festas patronais e celebracións populares, para achegar a un público cada vez máis amplo o enorme valor do nosa tradición musical”
A alcaldesa Ana Ermida manifestou que “foi un orgullo para Barreiros acoller esta actuación de Xabier Díaz e Adufeiras de Salitre poñendo o mellor remate posible as festas de San Miguel” e valorou “o apoio da Deputación de Lugo para levala a cabo”.
Xabier Díaz repasou temas máis populares dos seus últimos catro discos – The Tambourine Man, Noró, As Catedrais silenciadas e Axúdame a sentir-, que teñen a pandeireta como instrumento central.
Alí tivo lugar un acto Presidido polo Señor Arcebispo de Santiago, Monseñor Francisco José Prieto González, entre outras Autoridades civís e eclesiásticas, entre as que se atopaba o Presidente da Xunta de Confrarías de Viveiro, José Veiga, quen amosouse satisfeito sobre a importante representación das Confrarías e Irmandades da Semana Santa de Viveiro cos seus Estandartes e Presidencias, que contribuíron a incrementar a vistosidade e irmandamento do evento, sendo en múltiples momentos agradecidos pola organización polo engrandecimiento que lle deu a Semana Santa viveirense ao evento.
Preto de 200 corredoras e corredores participaron na carreira popular e na andaina entre os dous concellos, así como nas probas para as categorías de formación -pícaros, benxamín, alevín e sub 14/sub 16 que se organizaron na contorna do pavillón de Alfoz.
Celebrouse na Casa do Mar, organizado polo Concello e o Club de Xadrez San Roque. Houbo unha excelente participación, con 23 xogadores e xogadoras repartidos entre todas as categorías. Os gañadores foron: Sub 8: Gael Varela. Sub 10: Javier Fernández. Sub 12: Xulio Pernas. Sub 14: Junliang Wu. Sub 18: David Güeto. Absoluta: Alejandro Alloza. Na entrega de premios participou o concelleiro Alfredo Fernández, que felicitou aos xogadores polo seu gran nivel e animounos a seguir practicando este deporte.
Foi unha concentración simultánea en toda Galicia. No caso da Mariña celebrouse en Ribado nos Cantóns do Moreno.
Rematou con empate técnico entre o Río Xunco e o Río Cobo. Con especial agradecemento a Alba María, Lupe Blanco, Caxoto e Carmen Conde de Tarabela Creativa. O Festival de Narración de Cobo a Xunco levou contos e historias cada venres de setembro a diferentes lugares e parroquias do municipio, cunha programación pensada para persoas de todas as idades que culminou co Peche na Casa da Cultura, nunha batalla dialéctica entre os embaixadores/as dos dous ríos, Xunco (Caxoto) e Cobo (Carmen Conde).
O pasado xoves 25 de setembro mestres da Escola Municipal de Música deleitaron ao alumnado e ao profesorado do CEIP Pedro Caselles Rollán e do IES Illa de Sarón cunhas pequenas pezas musicais a modo de concerto didáctico nos ximnasios de ditos centros educativos de Xove co fin de amosarlles o traballo que día a día realizan nas clases da escola á vez que intentar conseguir novos alumnos para este curso que ven de empezar. Ademáis este mércores tivo lugar a presentación do novo curso da Escola Municipal de Música nunha aula do Colexio de Palmeiro, instalacións que usan a diario para desenvolver a sua programación.
Pola mañá realizarase unha visita guiada ao mosteiro, así como os seus arredores; a medio día visita a Portomarín, e pola tarde a ao pazo de Tor, en Monforte. O prezo da actividade será de 65€ para socios/as e 75 para non socios/as. Para que se realice a actividade deberá haber un mínimo de 20 persoas inscritas. Non se poderá exceder as 30 por limitacións de público nas visitas. Para inscribirse, enviar un correo indicando nome e apelidos. Para aboar o prezo xa se darán instrucións respondendo a dito correo. Tamén se pode facer a inscrición mediante mensaxe de WhatsApp ao 699809606.
