Burela, 15 de maio de 2026. O Concello de Burela celebrará o Día das Letras Galegas cunha programación cultural que inclúe literatura, tradición, música, maxia, teatro e actividades participativas para todos os públicos, co obxectivo de poñer en valor a lingua galega e achegar a cultura á veciñanza dun xeito atractivo e diverso.
Unha das iniciativas destacadas será a intervención artística nalgúns pasos de peóns da vila, na que a Aula Medioambiental Gaia, persoal municipal da área de Obras e diferentes colectivos locais, coa colaboración da Biblioteca Pública Municipal, pintarán versos de autoras e autores homenaxeados ao longo da historia do Día das Letras Galegas.
Segundo explicou a concelleira de Cultura, Lina Gómez, “esta acción é unha maneira moi bonita de facer visible a nosa literatura no día a día. Cada vez que alguén cruce por eses pasos poderá atoparse cun verso e lembrar que a nosa lingua e a nosa cultura están presentes na vida cotiá”.
A programación continuará o venres 15 de maio coa representación de Repunantas. As punkis da literatura galega: de María Balteira a Begoña Caamaño, un espectáculo incluído no programa Falaredes que percorre a historia de destacadas autoras da literatura galega a través de textos e cancións en directo.
O sábado 16 de maio celebrarase o XVI Encontro de Palilleiras de Burela. A concelleira sinalou que se trata “dunha cita consolidada que cada ano reúne centos de participantes e visitantes, converténdose nun referente da tradición artesá e da convivencia”.
Ese mesmo día, ás 20.00 horas, a Casa da Cultura acollerá o Concerto Especial das Letras Galegas da Coral Polifónica de Burela, coa participación do Coro Fingoi e da Rondalla de Cariño.
O domingo, a praza do Concello recibirá ao Mago Antón e o seu Magomóbil, que ofrecerá funcións ás 13.00, 17.00, 18.30, 20.00 e 21.30 horas. Unha actividade patrocinada pola Vicepresidencia da Deputación de Lugo.
Pecha a programación a presentación do libro Bóreas, do escritor mariñao Paco Rivas, nun acto no que participará Bernardo Penabade, que terá lugar o martes 19 de maio, ás 19.30 horas na Casa da Cultura.
Lina Gómez subliñou que “esta programación combina tradición, literatura, música e espectáculos para demostrar que o galego é unha lingua viva, creativa e plenamente actual”. A edil destaca que “o obxectivo é que a celebración das Letras Galegas chegue a toda a veciñanza e se converta nun espazo compartido de encontro coa nosa cultura” e animou a toda a veciñanza a participar.
Gañadores e gañadoras do Certame de Narración e Debuxo Infantil “Medrar lendo”
No marco da celebración do Día das Letras Galegas, a Delegación de Cultura, a través da Biblioteca Pública Municipal, organizou a fase local do Certame de Narración e Debuxo Infantil Letras Galegas 2026, baixo o lema “Medrar lendo”. Os traballos premiados, elixidos por un xurado, representarán a Burela na fase provincial convocada pola Biblioteca Nodal de Lugo.
Na modalidade de narración, na categoría A, o primeiro premio foi para Naia Fontenla Suárez e o segundo para David Otero Casas, ambos do CEIP Vista Alegre. Na categoría B, foron premiadas Érika Arenas Fernández, Sabela Braña Morán e Malak Amajoud Ait Ouazgour, tamén alumnado do CEIP Vista Alegre. Na categoría C, os galardóns foron para Efrén Maragoto Díaz, do IES Monte Castelo, e para Izan Jarel Roncero e Adrián Balseiro Otero, do CEIP Vista Alegre.
Na modalidade de debuxo infantil, na categoría A foron premiadas Naia Fontenla Suárez, Erea Fontenla Suárez e Luz Gonçalves Santoré, alumnas do CEIP Vista Alegre e do CEIP Os Castros. Na categoría B, os premios foron para Sara López Pena, Elisa Deán Dorregidor e Nuria García Hermida. Na categoría C, as gañadoras foron Leire Mate Ares, do IES Monte Castelo, e Lea Fraga Pérez e Suhaila Montoya Suárez, do CEIP Os Castros.
Dende a Delegación Municipal de Cultura e a Biblioteca Pública Municipal agradeceron a participación de todos os nenos e nenas no certame e trasladan os seus parabéns a todas as persoas participantes.
Será o sábado 23 de maio, nas Letras no Campo, Feira do libro ribadense, nun acto no que estará acompañado de Suso Fernández Acevedo.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
