A asociación dará a coñecer o 14 de agosto unha iniciativa cidadá destinada a enriquecer o patrimonio artístico de Viveiro cunha obra inspirada en Catro vellos mariñeiros
Viveiro, 11 de agosto, 2026. A Asociación Boga Mariñeiro celebrará a súa presentación pública o 14 de agosto, ás 19:30 horas, na sala multiúsos do Concello de Viveiro. No acto participarán a alcaldesa, Mariña Gueimunde; a directora do Museo Provincial de Lugo, Aurelia Balseiro; e o escultor Francisco Leiro, autor da proposta artística que vertebra o proxecto.
Unha entidade para impulsar unha nova escultura pública en Viveiro
Boga Mariñeiro é unha asociación cultural sen ánimo de lucro creada por veciños e veciñas de Viveiro co obxectivo de promover, financiar e doar á cidade unha escultura pública concibida por Francisco Leiro e inspirada na melodía e nos versos de Catro vellos mariñeiros, de José Travieso Quelle.
A iniciativa busca enriquecer o patrimonio artístico de Viveiro, embelecer o espazo urbano e crear un novo referente cultural ligado á identidade mariñeira da cidade. A obra aspira a converterse nun elemento patrimonial, simbólico e emocional, integrando creación contemporánea, memoria colectiva e paisaxe urbana.
Unha escultura para dialogar co mar e coa historia
A localización prevista —no paseo marítimo, fronte á Porta de Carlos V— permitirá establecer un diálogo entre a escultura, a ría e o pasado mariñeiro de Viveiro, reforzando a vocación pública e o carácter representativo do enclave.
Francisco Leiro, unha figura clave da arte contemporánea
A participación de Francisco Leiro, un dos escultores galegos e españois de maior prestixio internacional, confire ao proxecto unha relevancia artística extraordinaria. Autor de obras públicas tan emblemáticas como O Sireno (Vigo), Leiro achega a súa capacidade para transformar a memoria dun lugar nunha creación de carácter universal.
A futura escultura permitirá que Viveiro incorpore ao seu patrimonio unha obra concibida especificamente para a cidade por un dos grandes nomes da arte contemporánea.
15 de agosto: canto popular de Catro vellos mariñeiros
Coincidindo coas festas de San Roque, a Asociación Boga Mariñeiro organiza o canto popular de Catro vellos mariñeiros o 15 de agosto, ás 00:00 horas, na Praza Maior, minutos antes do concerto de David Civera.
A música correrá a cargo de dúas formacións de referencia en Viveiro: Bágoas da Terra e a Banda de Música O Landro, que unirán os seus sons para acompañar este canto colectivo.
A convocatoria pretende celebrar a unión do pobo de Viveiro ao cantar xuntos unha peza que forma parte da súa identidade e memoria mariñeiras.
Un proxecto para crear patrimonio e comunidade
Con estas dúas primeiras accións, Boga Mariñeiro inicia un camiño baseado na participación social e no compromiso de dotar a Viveiro dunha nova obra de arte público: unha escultura de Francisco Leiro chamada a converterse nun símbolo perdurable da identidade mariñeira da cidade.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
