Cervo, 1 de setembro, 2026. A Escola Infantil Municipal de Cervo celebrou este luns o seu tradicional acto de clausura de curso, unha xornada especialmente emotiva na que os nenos e nenas foron os grandes protagonistas. Entre eles, destacaron os 19 pequenos e pequenas que se despediron desta etapa para iniciar no vindeiro curso a súa nova aventura no cole dos maiores, celebrando a súa graduación.
A celebración comezou no salón de actos, onde toda a rapazada puido gozar da actuación de Pakolas, unha proposta pensada para o público infantil que encheu a mañá de música, diversión e ilusión. As familias acompañaron aos pequenos neste día tan especial, compartindo un momento que marca o peche dunha etapa fundamental.
A continuación tivo lugar o acto de clausura, no que os nenos e nenas recibiron un medallón e un agasallo. Despois celebrouse o acto central de graduación, no que os 19 futuros escolares do colexio recibiron o seu merecido recoñecemento nunha despedida chea de emoción, compartida coa comunidade educativa e coas súas familias, con birrete e orla incluída.
A xornada rematou cunha merendola que permitiu prolongar a celebración e compartir un último momento de convivencia antes do novo camiño que iniciarán os pequenos graduados.
No acto estiveron presentes a alcaldesa de Cervo, Dolores García Caramés, e a concelleira Pilar Armada, que quixeron acompañar aos nenos e nenas neste día tan significativo.
A alcaldesa destacou que “é un día de moita emoción, porque vemos medrar aos nosos pequenos e pequenas e comprobamos como aqueles nenos e nenas que chegaron á escola sendo moi pequeniños están agora preparados para dar un paso máis”.
Tamén felicitou “de corazón aos 19 nenos e nenas que este ano se ‘gradúan’” e desexoulles toda a felicidade nesta nova etapa. “Estamos seguras de que lles agardan moitas aprendizaxes, novas amizades e momentos inesquecibles no colexio”, engadiu.
A rexedora puxo en valor o traballo do equipo da Escola Infantil Municipal: “Quero agradecer profundamente o labor de todos/as os/as docentes e profesionais da escola polo seu compromiso, cariño e dedicación diaria, así como ás familias pola súa confianza e implicación. Entre todos e todas facemos posible que os nosos nenos e nenas medren nun ambiente de afecto, seguridade e aprendizaxe”.
Desde o Concello de Cervo fan extensiva a felicitación a todo o alumnado da Escola Infantil Municipal, especialmente aos 19 que se despediron desta etapa. “Hoxe dicímoslles ata logo, porque esta sempre será unha parte importante da súa historia. Que medren felices, que sigan aprendendo e, sobre todo, que nunca perdan esas ganas de descubrir o mundo que teñen agora”, concluíu a alcaldesa.
A convocatoria enmárcase na iniciativa promovida pola FEMP para trasladar desde as entidades locais o seu apoio e solidariedade coa Cidade Autónoma de Ceuta. Deste xeito, Viveiro únese á convocatoria xunto con concellos de todo o territorio, amosando o seu respaldo institucional á Cidade Autónoma.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
