Vai para dous anos que escribía un artigo coma este, co motivo do descenso a Segunda División do CD Burela FS masculino, co título de “25 de Abril de 2012”. Dende esa referencia pasaron xa sete anos. Nos dous últimos o clube laranxa non parou de pelexar ata conseguir, o pasado sábado, o ansiado ascenso a Primeira División de fútbol sala.
A ledicia non foi completa, posto que o equipo femenino non puido co Atlético Futsi Navalcalnero, polo que se lle colocou o título de liga un tanto costa arriba. Aínda que de seguro que seguirán loitando e traerán mais ledicias á marea laranxa. Por algo temos un dos mellores equipos femeninos do mundo. (cando escribo estas liñas aínda non entrou en liza na Copa Xunta a disputar na Coruña)
Nestes dous anos pasaron moitas cousas, co título galego masculino incluído, perante equipos de superior categoría. Ó timón estivo un da casa, Juanma Marrube. E dando a cara na cancha nas boas pero tamén nas malas, tamén os da casa: Renato, Hélder, Iago Míguez, Edu, Mata…porque estes dous son xa da casa. É certo que viñeron outros profesionais de fora cun traballo extraordinario, pero o bloque é mariñán. E Pitero, Nito e demais canteiráns á espera de mais oportunidades. E van xa uns cantos laranxas que visten tanto as camisolas tanto das seleccións galegas como as españolas.
Agardan moitas ledicias, de feito existen títulos en xogo aínda nesta tempada, tanto a nivel galego coma estatal. De feito, teño un amigo, un deses que sempre está no Vista espectante, que di que o título mais importante é a Copa Xunta. E razón non lle falta. Porque temos que saber onde estamos e porque é o título que mais veces gañou este clube.
Tamén virán decepcións, polo que deberíamos manter os pés no chan, saber quen somos e os tesouros que temos, sen ir buscalos moi lonxe. Nesta mesma Copa Xunta debuta, na categoría infantil, un equipo de nenas de Burela, o que nunca antes ocorrera. Respétannos a nival de base por toda a xeografía do país e podemos disputar o terceiro Campionato de España Xuvenil consecutivo, o cuarto se temos en conta a categoría cadete.
Hai talento de sobra. Non depende de ninguén mais que de nós, non repetir erros, valorarnos e querernos para seguir loitando ante as adversidades que nos poñen diante, dende tódolos lugares. Dunhas LNFS e RFEF (coa súa territorial da RFGF) que despois de tantos anos non parecen aprender aínda qué é Burela. Duns medios galegos dos que só recibimos atención se facemos proezas. E dunhas institucións que nos ningunean sistemáticamente.
Como vendía o clube fai unhas semanas: “Isto é Burela, aquí hai que sachar!”. Qué acertado! Hai moito que sachar, por iso é hora de poñela funda e collelo sacho.
Agora Burela! Agora Canteira!
Como escribira fai dous anos: Somos da Mariña! Cheiramos a mar!
FORZA BURELA! VOLTAMOS!
Mario Pillado Mon
Voceiro BNG Burela e sobre todo afeccionado do CD Burela FS
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
