Burela, 24 de abril de 2019. O BNG de Burela presenta unha candidatura integrada por un grupo de mulleres e homes representativos de distintos sectores e con implicación en distintos ámbitos da vida local, desde o mundo asociativo ao deportivo, pasando polo comercio, o ensino ou a sanidade. A candidatura presentada pola formación nacionalista mistura a experiencia do labor institucional no Grupo Municipal e a bagaxe do labor organizativo nos órganos de dirección local do BNG, xunto coa renovación que supoñen as novas incorporacións.
Desde a formación frontista destacan o traballo de Mario Pillado Mon e Dorotea González Fraga á fronte do Grupo Municipal, que durante estes catro anos trasladaron ao pleno numerosas iniciativas do BNG e levaron a cabo un intenso traballo de oposición ao Goberno do PSOE. Neste sentido, o BNG aposta por Pillado e González Fraga como número 1 e número 2 da candidatura, coa confianza e garantía do compromiso, dedicación e preocupación que demostraron estes catro anos polos problemas dos veciños e veciñas de Burela.
Novas incorporacións completan unha lista plural e representativa de distintos ámbitos sectoriais.
Entre as novidades atopamos a Anxo Valle Ares, traballador do servizo de inspección técnica de vehículos, Víctor Cabarcos Val, estudante que se atopa na actualidade cursando un ciclo superior en Enerxías Renovables, Ángela Íñigo González, titulada en Educación Infantil, que compaxina os seus estudos de logopedia co traballo no sector do lecer infantil, Adrián Piñón Domínguez, administrativo nunha asesoría a empresas e Secretario do Foro Económico da Mariña, e Maria Antonia Oroza Fernández, empregada no ámbito do coidado a persoas maiores e vinculada co asociacionismo de carácter asistencial.
O candidato á alcadía de Burela, Mario Pillado sinalou que confía plenamente nas persoas que integran a cadidatura e que se presentan con moita ilusión de cara á cita eleitoral do próximo 26 de maio. “Valoramos moi positivamente o traballo feito polo equipo que formamos hai catro anos, tanto a nivel humano, como no institucional e no organizativo, por iso cremos que imos no bo camiño. As novas incorporacións que veñen de unirse ao proxecto do BNG aportan frescura e novas ideias e estou convencido de que se vai traducir nun incremento de apoios ao BNG con claras opcións de goberno e que nos van permitir seguir defendendo os intereses da veciñanza de Burela” sinalou Pillado.
Completan a candidatura, Silvino Oroza Cordido, moi vinculado co tecido asociativo da vila, Ana Amat Casariego, empregada de farmacia e activista na Plataforma Sanitaria da Mariña, Dolores López Costa, Roberto Bouza Orosa, Rosa Ana Posada Expósito, Adolfo Corral Calviño, Belén Quintela Yáñez, Senín Díaz Mon e José Mon Otero
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
