Ribadeo, 7 de maio de 2019. A Concellaría de Mocidade, a través da OMIX, presenta a Campaña de Actividades de Verán. No programa figuran as colonias de verán, que se desenvolverán durante o mes de xullo, e varios obradoiros que terán lugar dende finais de xuño ata principios de agosto.
As colonias de verán estarán dirixidas a nenos de 3 a 12 anos e o prazo de solicitude de prazas está aberto ata o vindeiro día 15 deste mes de maio. O sorteo das prazas realizarase o 29 de maio e o xustificante de pago deberá presentarse entre os días 3 e 14 de xuño.
As colonias prolongaranse do 1 ao 26 de xullo, e desenvolveranse en horario de 10:00 a 13:30 horas. Hai un programa madrugador de 9:00 a 14:00 horas. Estas colonias terán lugar no colexio Gregorio Sanz e a cota será de 30 euros por semana. O número máximo de nenos e nenas participantes por semana será de 40 para os grupos de infantil e de 3º, 4º, 5º e 6º de primaria, e no caso de 1º e 2º de Primaria as prazas ofertadas son 30. A documentación que deberá presentarse será a solicitude de colonias, cuestionario de saúde, autorización imaxes, declaración responsable, fotocopia do DNI e fotocopia da tarxeta sanitaria.
Ademais a Concellaría de Mocidade ten programados unha serie de obradoiros que darán comezo o 25 de xuño cunha actividade titulada Obradoiro Camiño Verde: Camiño por reciclaxe na que os participantes percorrerán un tramo do Camiño recollendo elementos que atopen para, ao finalizar a ruta, realizar un obradoiro de reciclaxe na área recreativa de Vilela. Está dirixido a nenos e nenas de 6 a 12 anos, o horario será de 10:00 a 12:30 horas e o número de prazas é limitado.
Tamén haberá un Obradoiro Camiño Verde: Botánicos por un día, que terá lugar o 27 de xuño, dirixido a nenos e nenas de 6 a 12 anos, en horario de 9:30 a 12:30, no que os asistentes crearán un espazo botánico de árbores frutais na carballeira de Vilela. As prazas son limitadas.
Entre os días 8 e 12 de xullo, na Casa da Xuventude, celebrarase un obradoiro de pulseiras de macramé dirixido a nenas e nenos a partir de 12 anos. O horario será de 11:00 a 12:30 horas, e as prazas son limitadas por orde de inscrición.
Dos días 15 ao 19 de xullo, na Casa da Xuventude, terá lugar un obradoiro de apoderamento feminista para mozas, dirixido a nenas a partir de 12 anos. Celebrarase os luns, martes e mércores de 11:00 a 13:00 horas, as sesións de análise crítica do sistema patriarcal, e os xoves e venres, de 10:00 a 18:00 horas, e elaboración dun mural na rúa. As prazas son limitadas por orde de inscrición.
Finalmente a Concellería de Mocidade de Ribadeo organiza un laboratorio audiovisual, que terá lugar do 29 de xullo ao 2 de agosto no CEIP Gregorio Sanz en horario de 9:00 a 14:00 horas e o día 2 de 9:00 a 18:00 horas. Esta actividade está dirixida a nenos e nenas a partir de 12 anos. As prazas son limitadas por orde de inscrición e teñen preferencia os rapaces e rapazas a partir de 14 anos. Os participantes crearán a súa propia animación de vídeo utilizando a técnica do Stop Motion.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
