Lugo, 8 de abril de 2019. O Presidente da Deputación, Darío Campos Conde, presentou, este xoves nos corredores do Pazo de San Marcos, a programación cultural que organiza a Deputación con motivo da Semana das Letras Galegas. A programación, que comeza o próximo luns, contará con actuacións musicais, espectáculos de danza, teatro e monicreques e con actividades en centros educativos de toda a Provincia.
O Presidente explicou que “esta é unha cita importante para a nosa cultura. Cada ano homenaxeamos a unha figura relevante que reflexa o noso patrimonio lingüístico e literario, e este ano tocoulle a Antón Fraguas, historiador e etnógrafo, unha figura necesaria para poñer en valor o tesouro que é a nosa cultura popular”.
Campos Conde tamén destacou que: “non podemos centrarnos só no que xa foi, pois a nosa é unha cultura viva e que segue creando, temos numerosos escritores, poetas, cantantes, artistas, actores… que reivindican crear e vivir en galego, e aos que apoiamos desde o Goberno da Deputación”.
Durante toda a semana, desde o luns 13 ata o xoves 16 de maio, centros escolares de toda a Provincia, desenvolverán a Semana Escolar das Letras co libro manual Antonio Fraguas, Unha Epopea Vital, na que se da a coñecer vida do autor homenaxeado este ano, e supón, ademais un percorrido pola historia de Galicia no século XX. Por outra banda Os Romeiros do Caracol levará á tradición e as lendas de San Andrés de Teixido, ao público familiar da Pastoriza e Monforte.
A Praza de San Marcos acollerá diversas actividades, como o espectáculo musical Canta, Miña Pedra, Canta, na que o músico Xoán Curiel e a contadora Charo Pita, interpretan cantigas populares recollidas polo autor en Aportacións ao Cancioneiro de Cotobade, a función de danza de Terra, a cargo da Asociación Cultural Falcatrueiros; e actuacións da Tradescola, da Banda Filarmónica de Lugo, ou da cantante Lucía Pérez. Ademais os xardíns da Deputación encheranse de música na sesión Vermú do Fa Ce La Fest, coas actuacións de Chicharrón e Os Amigos dos Músicos e o domingo 19 membros de Palimoco Teatro percorrerán as rúas do centro de Lugo cunha actuación teatral.
Programación
Luns 13 de maio
Os Romeiros do Caracol espectáculo de monicreques e música. A Pastoriza.
Martes 14 de maio
Concerto de Lucía Pérez. Ás 20:00 horas na Praza de San Marcos.
Mércores 15 de maio
Canta, Miña Pedra, Canta de Xoán Curiel e Charo Pita. Ás 18:30 horas na Praza de San Marcos.
Terra espectáculo de danza da Asc. Cultural Falcatrueiros. Ás 20:00 horas na Praza de San Marcos.
Xoves 16 de maio
Os Romeiros do Caracol espectáculo de monicreques e música. Monforte de Lemos.
Concerto da Tradescola . Ás 18:30 horas na Praza de San Marcos.
Concerto da Banda Filarmónica de Lugo. Ás 20:00 horas na Praza de San Marcos.
17 e 18 de maio
Sesión vermú do Fa Ce La Fest con Chicharrón e Os Amigos dos Músicos. Xardíns da Deputación.
Domingo 19 de maio
Letra Viva 2019 representación teatral de Palimoco Teatro. Ás 21:00 horas polas rúas do centro de Lugo.
Luns 20 de maio
Canta, Miña Pedra, Canta de Xoán Curiel e Charo Pita. Ás 18:30 horas en Guitiriz
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
