Ribadeo, 9 de setembro de 2019. O voceiro do Grupo Municipal Popular de Ribadeo, Daniel Vega, cre que “para Fernando Suárez o abastecemento de auga non é un tema prioritario”. Vega asegura, nese sentido, que “nos 16 anos que leva no Goberno local, o nacionalista non se interesou por solucionar os problemas de roturas da canalización e de presión de auga do abastecemento municipal”.
Trátase dunha traída canalizada dende un depósito de Vilarbetote a través de tubaxes de fibrocemento que sofren roturas de forma habitual; pero, ademais, “tanto os veciños e veciñas do casco urbano de Ribadeo coma das parroquias do rural ribadense sofren problemas coa presión de auga que, en ocasións, non é suficiente para o normal desenvolvemento de labores habituais nunha vivenda”. Así, o popular lamenta que “as consecuencias da desidia de Fernando Suárez as teñan que pagar os ribadenses”.
Tendo en conta que o abastecemento de auga é competencia municipal e que, nese caso, non pode botar as culpas a outras administracións; Daniel Vega pídelle a Fernando Suárez que “dea explicacións aos veciños e veciñas de Ribadeo sobre o motivo polo que impediu no 2014 a mellora do abastecemento cando a Xunta dispoñía dos proxectos e os fondos europeos e propios para cofinanciar as obras”.
O popular sinala que “naquel momento o alcalde do BNG bloqueou o avance do proxecto ao non poñer a disposición da Xunta os terreos para a construción de novos depósitos de captación de auga”. Vega considera “moi grave” a perda de fondos para o desenvolvemento destas melloras para as que a Xunta continúa a disposición do Concello. Aínda así, tal e como explica Vega, o abastecemento de auga é competencia municipal e, polo tanto, dende o Grupo Municipal Popular pedímoslle implicación para solucionar os problemas de abastecemento da auga”.
Implicación do Concello
É máis, Vega sinala que “o Concello tamén recada impostos de tódolos ribadenses e, polo tanto, pode investir orzamento propio para contribuír a facer realidade estas melloras canto antes. E, como sempre defendo, tamén pode recorrer o Goberno local á colaboración institucional”. Con todo, o voceiro do PP dubida que iso sexa posible; xa que “a pesar de que a administración autonómica sempre está disposta a debater os asuntos de Ribadeo como demostra a diario; mentres que a actitude de crispación de Fernando Suárez dificulta a colaboración entre administracións para o desenvolvemento de proxectos en beneficio dos ribadenses”.
O popular contrapón, nese sentido, a falta de investimento por parte do Goberno local do BNG para a mellora do abastecemento de augas que é de competencia municipal coas achegas que realiza o Goberno da Xunta en beneficio de Ribadeo sen pedir colaboración ao Concello.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
