Alfoz, 15 de setembro, 2019. A Área de Igualdade do Concello Alfoz inicia o curso escolar co Programa Igual+ dirixido á súa poboación infantil, xuvenil e familias para sensibilizar, informar sobre igualdade e prevención de violencia contra as mulleres.
Neste Programa Igual+ inclúense:
Axendas Coeducativas curso 2019-20
Igual+ Educación Infantil
Igualabot. Aprendemos igualdade con robótica.
Proxecto Practicando igualdade para previr as violencias machistas
Repartiránse o luns, 16 de setembro, as Axendas Coeducativas curso 2019-20 a todo o alumnado do municipio. Entregaranse as axendas escolares nos centros educativos, CEIP Castro de Ouro e IES Alfoz-Valadouro para ser distribuidas aos alumnos/as. No caso de estudantes de Bacharelato e Ciclos de FP, estarán a disposición no Concello e na Biblioteca Municipal.
Ademáis este curso, os nenos e nenas de Educación Infantil do CEIP Castro de Ouro participarán nun proxecto de igualdade e contra a violencia chamado Igual+ Educación Infantil, que por unha parte supón que se traballará ao longo de todo o ano escolar para fomentar a ruptura de estereotipos, o coñecemento e xestión das emocións, a resolución pacífica de conflictos, a corresponsabilidade, etc., tanto de xeito transversal como específico relacionado coa Axenda Coeducativa que será ademais o nexo coas familias.
Por outra parte, o Proxecto Igual+ incorpora un programa, Igualabot. Aprendemos igualdade con robótica, que utilizará a robótica para aprender en igualdade e sobre todo incidir en achegar ás nenas as habilidades STEM, ciencias, tecnoloxía, enxeñería e matemáticas, acabando coa imaxe masculinizada destes estudos e profesións desde a base educativa. A finalidade é usar as novas tecnoloxías de xeito igualitario. Cos nosos robots, Beebots, aprenderán coa robótica que as cores ou as profesións non teñen xénero, que todos somos distintos/as, pero cos mesmos dereitos, a importancia de traballar en equipo para conseguir un obxectivo, etc., utilizando fichas, contos e taboleiros polos que debe desprazarse Beebot seguindo as instruccións do alumnado. Comenzará no mes de outubro e desenrolarase ao longo de todo o curso.
Proxecto Practicando igualdade para previr as violencias machistas: Practicando coeducación, Rachando estereotipos, Sumérxete nas TICs e Previndo violencia no novo contexto dixital: Ciberviolencia. Levarase a cabo durante os meses de outubro e novembro, diferentes actividades educativas dirixidas a Educación Infantil e Primaria, ESO e familias para sensibilizar, informar e difundir sobre igualdade e prevención de violencia contra as mulleres nos dous centros educativos e horario lectivo.
Todo o programa, elaborado e desenrolado polo Concello de Alfoz, está subvencionado pola Secretaría Xeral de Igualdade da Xunta de Galicia, polo Fondo Social Europeo (FDS Galicia 2014-20), polo Pacto de Estado contra a violencia de Xénero e Ministerio de Presidencia: Relacións coas Cortes e Igualdade do Goberno de España.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
