Vilalba, 29 de outubro, 2019. Os populares analizaron este martes en Vilalba “o ataque directo” do Goberno á estrutura industrial da provincia. Foi durante o encontro mantido esta mañá con empresarios dos sectores servizos, enerxético e agrogandeiro, celebrado na localidade chairega e no que participaron o conselleiro de Economía, Emprego e Industria, Francisco Conde, a presidenta provincial, Elena Candia, e os candidatos ao Congreso e ao Senado, José Manuel Barreiro e Joaquín García Díez, ademais doutros cargos orgánicos do PP como José Manuel Balseiro ou o voceiro local, Agustín Baamonde.
Na súa intervención, José Manuel Barreiro e Elena Candia lamentaron que, na situación económica e política actual, palabras como “incertidume estean permanentemente asociadas á industria e ao emprego”. Referíronse así á grave situación que atravesan empresas tan importantes para Lugo e esta comarca, como son Endesa e Alcoa San Cibrao.
Os populares trasladaron aos asistentes que as ameazas de peche están motivadas pola inacción do Goberno; algo que non entenden, sobre todo, cando hoxe o propio presidente de Alcoa manifestada nun medio de comunicación que o aluminio é un produto de futuro ou que, no marco da estrutura de custes, é responsabilidade do Executivo Central axustar o prezo do quilovatio.
En canto á Endesa, advertiu Barreiro, “non hai acción correctora do Goberno”, e cualifica a resposta dos socialistas para xustificar a situación, culpando á empresa de falsear as contas, “de escusas de mal pagador”. “Non estamos en contra da descarbonización. Se o horizonte e o 2030, por que temos que ser nos os primeiros en pechar as térmicas cando temos menos capacidade que outros países como Francia ou Alemaña?”, preguntouse.
O PP, cos traballadores e a industria
Francisco Conde tamén se manifestou moi crítico coa xestión do Partido Socialista ao respecto das electrointensivas, indicando que “queren ter a medalla de ser os primeiros en pechalas”. Pola contra, apuntou que o Partido Popular está cos traballadores e coa industria, mentres que o Goberno socialista incumpriu todos os seus compromisos enerxéticos con Galicia. E por iso, apuntou, “desde o Partido Popular seguiremos defendendo a nosa industria, o noso emprego e unha transición enerxética xusta e ordenada”.
O conselleiro e deputado lucense sinalou que o Goberno de Pedro Sánchez está disposto a levarse por diante os máis de 700 postos de traballo que dependen da central de Endesa nas Pontes, e apuntou que os 150 transportistas afectados non están sós, xa que Galicia e o Partido Popular seguirán estando ao seu carón.
No tocante a Alcoa, Conde lembrou que Galicia leva un ano agardando por un Estatuto dos consumidores electrointensivos que permita á planta de San Cibrao ter un prezo eléctrico competitivo, para estar nas mesmas condicións que o resto de empresas europeas.
Así, sinalou que Galicia estaba tan cansada de agardar que “elaboramos a nosa propia proposta de Estatuto” para que a defenda o Partido Popular en Madrid.
“O PP cre no rural”
Fronte a esta política de castigo dos socialistas, Francisco Conde sinalou que o Partido Popular “cre no rural, cre en Vilalba, cre en Lugo e cre en Galicia”. E por iso, sinalou que desde a Consellería de Economía, Emprego e Industria se destinaron máis de 5M€ a Vilalba no que vai de lexislatura.
Tamén incidiu en que, desde que Alberto Núñez Feijóo é presidente da Xunta, apoiouse con máis de 43 millóns de euros aos profesionais do medio rural deste municipio.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
