Ribadeo, 11 de febreiro de 2020. O alcalde, Fernando Suárez, amosou o seu desgusto, a rabia e a preocupación tras o novo incendio rexistrado en Ove, algo que xa se leva producido preto de trinta veces nos últimos anos. O autor ou autores sempre aproveitan os días de tempo seco con vendaval para provocar este lume. O rexedor agradece a colaboración veciñal e pídelle á poboación que si escoitan ou ven algo raro o comuniquen. Suárez Barcia non entende qué graza lles ten acabar co patrimonio natural, poñer en perigo o tren ou mesmo as vidas das persoas que traballan na extinción do lume. O alcalde agarda que o cerco sobre o autor ou autores deste lume se estreite.
Fernando Suárez manifestou “un profundo desgusto e unha profunda rabia e tamén preocupación por este novo conato de lume que se produciu onte á noite, na parroquia de Ove, concretamente na N-640, sempre nos mesmos puntos, aproximadamente a carón da ría de Ribadeo na zona entre o vial e máis o cantil. Sistematicamente se producen nesa zona, máis ou menos. Nos últimos anos, non sei cantos van pero deben ser preto de trinta, e sempre é igual, de noite e cando hai algo de vento seco, sobre todo vendaval”.
O rexedor subliñou que “temos a sorte de que a colaboración cidadá sempre está aí, protección civil de Ribadeo como no caso de onte co noso camión de bombeiros, a garda civil tamén e o axente medioambiental de distrito que se achegou. Sempre acabamos extinguindo o lume, pero un día quizais non sexa así e teñamos que lamentar desgrazas maiores”.
Suárez Barcia declarou que “eu non sei que graza lles ten acabar co patrimonio natural, coa flora e a fauna, poñer en perigo a liña de tren de Feve e o propio persoal humano que extingue o lume en sitios tan escarpados. Eu confío en que a este bicho que anda prendendo lume lle agarde o peor. Espero que algún día seguramente vai caer e a xustiza se fará cargo del”.
O alcalde de Ribadeo apela “á cidadanía que se hai algo que ve, porque isto xa se pasa de castaño escuro, que llo comunique ás autoridades dos corpos de policía para que fagan un seguimento estreito, porque é algo inédito que nunha parroquia haxa sistematicamente máis conatos de lume que no resto da Mariña xunta. É algo que non pode ser, polo tanto, dicir que entre todos imos acabar con este ou con estes malos e que o cerco se ten que estreitar si ou si”.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
